甜牙牙

营业中

休息中

講到甜牙牙相信好多香港人都唔陌生，甜品都幾多選擇，而我對佢最大嘅印象係大胃王挑戰，超巨型班㦸🥞，食得哂就唔收錢。坐落於旺角嘅佢非常之受歡迎，happy friday night 8:30開始座無虛席，要食都要等位啊。🍨益力多綿綿冰（$55）呢一道甜品最欣賞佢配料足，由其芋圓，有紫色粉色綠色灰色，幾款口味，而且食得出每一隻顏色係完全唔同味道，味道突出香甜，口感煙韌Q彈；主角綿綿冰入口即溶，口感綿滑。🍨仙草芋圓芒果露（$46）芒果露嘅味道就好似芒果冰一樣，配搭仙草同芋圓都幾好味，不過食到後尾會感覺太甜，因為佢係冇配芒果肉，而且芒果露亦非純芒製作。