名誠小廚

今日去佐敦接朋友收工,咁就順路又可以去名誠小廚食埋佢嘅招牌燒雞啦😋上枱好香噴噴,我都即刻帶手套趁熱食,雞皮燒到脆卜卜,雞肉好鮮嫩多汁,每人半隻其實都幾大隻,好滿足🥰

皇牌燒雞

$160

同埋佢地係性價比極高嘅餐廳，晚飯小菜$6x起（已包飯湯飲品）

我哋就再叫咗椒鹽鮮魷同皮蛋芫荽脆魚片湯飯

椒鹽鮮魷

鮮魷彈牙爽口,椒鹽味道香濃，帶啲啲胡椒辛香,炸到金黃酥脆但唔會好油膩。

皮蛋芫荽脆魚片湯飯

皮蛋魚片湯飯係一款清淡健康嘅菜式，用滑嫩嘅魚片、小白菜同味道獨特嘅皮蛋，配上鮮甜嘅湯底,份量大大碗,我哋分完每人半碗都好足料。

見餐廳有介紹出咗季節限定羊腩煲，$328附送唐生菜及枝竹，下次要帶多兩個朋友過嚟食。