影片
更多
2019-12-09
140 浏览
芋圓圓 #太子 #黃店呢間甜品鋪嘅重點在於一粒粒人手製作嘅芋圓，每一款甜品都含有芋圓，分別在於唔同嘅糖水，視乎你個人喜好。係仲未有藍黃店之分，係佢仲係細舖嘅時候，已經食過一次。嗰陣已經大排長龍，依家作為黃店之後就更加長人龍，如果真係想坐定定食嘅話可能就要早啲嚟。又或者考慮外賣咁就快好多啦！不過外賣就要預咗佢只係得凍，如果要熱嘅就要等20至30分鐘。桂花蘋果雪梨芋圓 $28每一碗大約有10粒芋圓左右，當中仲包括番薯圓、紫薯圓，而且標榜冇加糯米粉，所以每一粒都的確非常煙韌。不過略嫌佢芋圓本身嘅味道未夠出，如果將芋頭同番薯粉嘅比例提高可能會更好。至於糖水方面就普普通通，有淡淡的桂花香，但係略嫌蘋果雪梨冇咩味，只係比普通糖嘅味都覆蓋晒。可能始終糖水都唔係佢哋嘅重點。無可否認，芋圓嘅煙韌口感的確好好，不過味道方面就可以再提升。如果鍾意食芋頭、芋圓，我最推介都仲係大甲芋圓，佢嘅芋頭泥同芋頭雪糕真係世界級好食，而且仲係包心芋圓，口感味道一流。味道: 3.6/5性價比: 3.5/5
呢間甜品鋪嘅重點在於一粒粒人手製作嘅芋圓，每一款甜品都含有芋圓，分別在於唔同嘅糖水，視乎你個人喜好。
係仲未有藍黃店之分，係佢仲係細舖嘅時候，已經食過一次。嗰陣已經大排長龍，依家作為黃店之後就更加長人龍，如果真係想坐定定食嘅話可能就要早啲嚟。又或者考慮外賣咁就快好多啦！不過外賣就要預咗佢只係得凍，如果要熱嘅就要等20至30分鐘。
桂花蘋果雪梨芋圓 $28
每一碗大約有10粒芋圓左右，當中仲包括番薯圓、紫薯圓，而且標榜冇加糯米粉，所以每一粒都的確非常煙韌。不過略嫌佢芋圓本身嘅味道未夠出，如果將芋頭同番薯粉嘅比例提高可能會更好。
至於糖水方面就普普通通，有淡淡的桂花香，但係略嫌蘋果雪梨冇咩味，只係比普通糖嘅味都覆蓋晒。可能始終糖水都唔係佢哋嘅重點。
無可否認，芋圓嘅煙韌口感的確好好，不過味道方面就可以再提升。如果鍾意食芋頭、芋圓，我最推介都仲係大甲芋圓，佢嘅芋頭泥同芋頭雪糕真係世界級好食，而且仲係包心芋圓，口感味道一流。
味道: 3.6/5
性價比: 3.5/5
桂花蘋果雪梨芋圓
$28
56 浏览
0 赞好
0 留言
张贴
