芋圓圓

帶朋友黎過兩三次，今次試埋紫米芋圓糖水，佢始終無令人失望，做到一定水準，芋圓有Q度，配料亦好足料。見這間芋圓店由小店搬至這店，應該有一定實力，現在量大左要保持返手工水準其實不易，今次點下兩個糖水：1） 紫米露芋圓2） 仙草芋圓我點的熱紫米，有芋頭粒和西米露做襯托，口感甚為豐富；而朋友點的仙草也不差，仙草不太凍，反而更好入口。在太子眾多糖水舖中，這間堅持只做芋圓相關的糖水，睇到佢對芋圓的熱愛！ 絕對推介比芋圓控！ …查看更多

未坐低已經被職員大聲呼喝要閂實道門，客人本身已經閂左門，只係漏咗小小嘅空隙就比職員大聲呼喝客人要閂實門客人入嚟食糖水都俾人鬧，唔怪之得依家啲食肆越嚟越差啦市道 就係因為多得哩啲職員咁樣去對待啲客人。本身都想離開食第二間㗎，只係朋友話嚟到想試吓，所以迫於無奈先至留喺度食仲要食物好普通 好快食完就走啲食具又一浸餿味。諗返起成個過程，真係貼錢買難受，唔會再食其實成件事好簡單，你去閂實門咪得囉橫掂間舖都冇乜客…查看更多

朋友極力推薦嘅芋圓糖水，於是就跟左朋友嚟試一試，一入鋪頭就見到原來有隻貓店長，好可愛仲要唔怕陌生人可以任摸任影，不過大家要記住入門口同出去都要閂返好對門，因為眼見好多食客都會忘記。堂食嘅話要先到櫃枱落單比錢，叫左椰汁西米芋圓<$30>，完全對得住個價錢，手工芋圓冇加糯米粉，但食落完全好煙軔有口感，仲要芋圓份量都算多，最鍾意佢嘅紫地瓜圓，好有驚喜，睇得出真係好有心機！！！ 另外，見佢都有啲熱食小吃，如果夜晚嚟呢到宵夜都不失為一個好地方。…查看更多

🐈‍⬛一進門便被可愛的活「招財貓」溶化了😍實在太可愛❤️❤️❤️要了椰汁百合雪耳海底椰芋圓，鮮奶椰汁桃膠芋圓和生菜魚肉。除了服務非常好之外（現在很少感受到），芋圓並沒有使用糯米粉製造但依然非常煙靭，同時能嘗到芋圓及番薯的香，讓對糯米過敏的我也能嘗到好吃的芋圓👍🏻正。生菜魚肉非常彈牙，真材實料少有的好味，所以連照片也沒有拍便把所有食物都吃光了。想像不到夜晚10時還能吃到如此高質素的甜品和小食，非常滿足☺️感謝用心製作食物和親切的服務和貓咪，期待下次再來🙏🏻…查看更多

芋圓圓 (太子)太子柏樹街1號地舖朋友聚會食完飯嚟咗呢度食糖水，舖頭唔大，裝橫一般。蛋花馬蹄露芋圓$30價錢嚟講真係唔算貴，賣相好一般，勝在芋圓真係幾煙韌同有味道。甜度適中，蛋花夠滑。…查看更多

～～～～～～～～～～～～～～～～～～～～～～～～～相信不少人都食過，又平又好食既其中一個甜品店，而店內仲有一隻貓🐱貓貓🐱很乖，唔怕貓咪🐱既你可以同佢打卡、影相📸～～～～～～～～～～～～～～～～～～～～～～～～～✨鮮奶椰汁桃膠芋圓本人就好中意呢個，又可以滋陰養顏，女士的最愛之選味道配合得好適中，又可以食到有咬感的芋圓又有桃膠（比譽為平民燕窩之稱）又有淡淡的椰汁和鮮奶，令你更容易將它送到口中，慢慢地吸收在身體中，轉化為自己能量（人都開心D）店內職員都很有禮貌地將食物放在你面前和環境衛生都好乾淨，讓人可以慢慢地享受甜品的快樂～～～～～～～～～～～～～～～～～～～～～～～～～…查看更多

一碗雪梨芋圓及一碗鮮奶椰汁桃膠芋圓久違了的芋圓味道，因為外間大部份的芋頭都是粉味勁重，呢間係彈牙沒粉味，真心好味😋😋😋😋😋甜道適中，唔係死甜的味道，值得大老遠出去買外買的糖水。…查看更多

好耐冇嚟芋圓圓喇，啲芋圓仲係咁煙韌軟糯😋好肚餓所以今次揀左喳咋芋圓，好！足！料！份量超級足夠，成個menu都係$30-$35，CP值超級高！三色芋圓好好食，佢地冇用糯米粉，唔會太難消化，但又可以有煙韌既口感，嘻嘻食起上嚟好開心好滿足🥰🥰如果未食過，超推介試吓佢地個鮮奶椰汁桃膠芋圓，一試愛上💕以前讀大學會行過嚟食一碗先瞓😜今日係5點幾嚟到，未到人多時間，貓店長表演行catwalk🐱🐱好可愛🥰🥰🥰🥰🥰🥰🥰🥰…查看更多

路過太子，發現間cp值超高糖水店:)。連久未動筆寫食評都為它再出手，無錯就係貓店長，當然除左它得意同乖乖任摸唔怕生保，依間糖水主打芋圓，比x記糖水芋圓更有咬口同食到紫薯,蕃薯同芋頭食材原味，而配搭糖水，當晚食左腐竹雞蛋底配芋圓，腐竹煲到溶晒正合我意，另一碗試左椰奶鮮奶底配芋圓，甜度適中仲有好多粒大大碗。好貪心已經想定下次試邊款添…查看更多

第一次去呢間芋圓甜品店主打手工芋圓 不加糯米粉今次我試嘅係芋圓西米露🤤甜品係用星星碗裝住 好可愛西米露味道超正 芋圓食落好煙韌🤤而且芋圓數量好足👍🏻等糖水嘅時候 發現原來呢間甜品店有貓店長😍好可愛而且唔怕生可以比摸😍😍呢間店超值 有得食又有摸貓下次會再黎👍🏻…查看更多

𝐂𝐚𝐥𝐥𝐢𝐧𝐠 𝐚𝐥𝐥 𝐭𝐚𝐫𝐨 𝐛𝐚𝐥𝐥 𝐟𝐚𝐧𝐬! This place has been on my list for a while now and finally tried this spot out after dinner! Pic 1️⃣&2️⃣: 仙草芋圓 / 𝗚𝗿𝗮𝘀𝘀 𝗝𝗲𝗹𝗹𝘆 𝘄𝗶𝘁𝗵 𝗧𝗮𝗿𝗼 𝗕𝗮𝗹𝗹𝘀 - $35 hkd 🍠 — This was pretty good! Loved all the various elements this had that created a nice contrast of textures and flavours. The grass jelly was smooth and the dessert wasn’t overly sweet either. Their homemade taro balls were super chewy with a rich taro taste to them. The red bean added a nice subtle sweetness to the dessert.Pic 3️⃣: 紫米露芋圓 (熱) / 𝗕𝗹𝗮𝗰𝗸 𝗚𝗹𝘂𝘁𝗶𝗻𝗼𝘂𝘀 𝗥𝗶𝗰𝗲 𝗗𝗲𝘀𝘀𝗲𝗿𝘁 𝗦𝗼𝘂𝗽 - $30 hkd 🥣 — Always a classic choice to go with if you’re looking for something warm to fill you up! The coconut aroma was strong, fragrant, but not overpowering. This had the perfect thick, creamy consistency too.…查看更多

今日同朋友係大角嘴食完潮州菜，跟住想去食糖水，我想起近近地太子有得食，就帶隊去。芋圓圓店店主打自家製芋圓，小店由IG shop做起，到現在開左實體店係太子。主打係手工芋圓勁煙韌軟糯，店內食到嘅芋圓煮得剛剛好唔會一嚿嚿個心仲係粉，而且每碗份量剛好唔會太大碗，填好個想食糖水嘅胃就夠。桂花雪梨芋圓（熱）甜度剛好，足料豐富有啖啖桂花香。紫米露芋圓（熱）紫米夠綿有粒粒芋頭粒，推介中意食紫米露可以黎試試。喳咋芋圓（熱）多豆有料到，配芋圓煙韌軟糯好味道。店內仲有可愛嘅貓貓店長(芋頭)守候住大家，寵物有善糖水舖。芋圓圓（太子）太子柏樹街1號地舖…查看更多

太子食完飯想食個平靚正甜品我會揀呢間！各式甜品都只係30-35蚊，共通點就係個店名 - 芋圓！所有甜品都有各式糖水再加主角芋圓，而佢哋嘅芋圓就好似牆上告示一樣，係不加糯米粉嘅，食落亦發覺係無講大話，彈牙而不黏牙，非常好食又抵食！雖則話芋圓係主角，但糖水絕對無淪為配角，同樣都係主角！紫米露唔會太甜，亦唔係開粉出嚟嘅行貨，無食到一pat pat粉，同樣賀材實料。一碗糖水兩個元素，兩樣都兼顧得好，再加上服務態度良好，抵回頭啦👍下次會再幫襯下其他糖水底👍💛…查看更多

全香港最好食芋圓，絕不誇張，以往去食總是要等好一陣子，而家平日夜晚去食總算唔洗等啦首先成間店舖由牆紙到餐牌再到餐具都係紫色已經好岩我心水😆🥢椰汁雪耳百合海底椰芋圓 （熱）$32椰汁味好重，仲有埋椰肉，淨係聽個名都覺得夠哂潤喉啦😂🥢鮮奶椰汁桃膠芋圓 （熱）$35超級滋養補身嘅一款，鮮奶味濃，桃膠好有咬口，芋圓係我食過最煙韌嘅，而且份量好多，食極都仲有😍食過咁多次都依然保持水準，價錢唔貴，性價比超級高芋圓圓地址：太子柏樹街1號地舖回頭指數：⭐️⭐️⭐️⭐️⭐️
抵食指數：⭐️⭐️⭐️⭐️⭐️
人均消費：$35…查看更多

我這個喜歡吃芋圓的人又再出動了！今日忙了一整天，獎勵一下自己吃一碗芋圓糖水。今次來到的是位於太子的芋圓圓，睇食評都普遍說這店性價比高，即管試試吧！這裡的芋圓甜品價位位於$30-$35不等，我試了一碗鮮奶椰汁桃膠芋圓（$35）。當我懷著期待的心情等甜品的時候，發覺到店內的糖水大多都預先弄好，雪在雪櫃，到客人點甜品時，再把它倒在碗中。由於我叫了熱的芋圓糖水，所以他們會把糖水叮熱。或許大多糖水舖都會如此運作，可能我把一切看在眼內，暗暗不知怎的便減了分。接著我撓起芋圓，怎料見到有一條幼毛線粘在芋圓表面，見狀胃口都減少一半…不過味道都不過不失，吃得到芋圓的原來味道，都算是真材實料。下次我應該再不會特意乘車過來吃了。…查看更多