百芳池上便當 (希慎廣場)

营业中

休息中

🍱香酥炸雞腿便當 $63每個便當套餐都附白飯🍚，每日精選配菜三款、滷水蛋半隻、飲品一杯。隻炸雞腿🍗比想像中大隻，仲大隻過menu張相，佔咗差唔多半個便當，遮住晒其他餸。咁肚餓梗係第一啖就拎雞髀食，一咬入口係脆卜卜。外皮炸得超酥脆，唔會係好厚粉嘅皮，反而係又薄又香又脆。雞髀真係超嫩，食入口會有肉汁，又唔會有超肥嘅脂肪位（我唔喜歡好肥嘅肥肉。當日便當配菜有粉絲，菜脯同埋白菜🥬。粉絲份量俾得好夠，食落竟然係會有少少辣辣地。因為無見到辣椒，所以食到辣味係unexpected嘅，但炒得好入味，可以成為成個便當入面排名第二嘅食物。菜脯、白菜同埋滷水蛋就無咩特別，普普通通咁。唯一可以拎出嚟講嘅係個飯嘅份量比較少，因為配菜同雞髀都多，變相食到最後無咩飯配餸，或者可能係我太肚餓唔夠食哈哈🤣🤣🤣。隨餐會配一杯嘢飲🍹，可以選阿薩姆紅茶、茉香綠茶或碳焙烏龍。我哋就揀咗茉香綠茶，飲落比較甜，無咩特別茉香味，算係普普通通嘅嘢飲。不過overall嚟講，成個便當都係好食又高質嘅，尤其個炸雞髀🍗真係會令我想回頭再食😋，下次可以再去試其他套餐。