影片
更多
2017-09-01
54 浏览
揀嚟呢度打邊爐就係貪佢有個騎樓可以同啲朋友煲吓煙吹吓水之餘，仲要係紅白啤酒任飲喎，需知道打邊爐或者飯局呢一類嘢，個爐同個煲都係其次，最緊要嘅梗係喺露台摸住酒杯底，打住第二種邊爐，再同啲生意上嘅朋友作出消息上嘅交流啦，知己知彼丫嘛。湯底揀咗金蟬脫殼，呢個湯底清清地之餘喺其他打邊爐嘅地方相信都好難搵到一個湯底係有成圈冬瓜同埋蟲草花㗎啦，我最鍾意嘅就係佢出面食唔到，咁樣先至有餐廳特色加嘛。呢度嘅響鈴認真大碌，你睇下，長過部s6幾多，由於係啱啱新鮮炸起，擺入口嗰陣個心仲係微暖架，口感夠脆之餘蛋味仲好濃添。西班牙伊比利亞黑毛豬肉片，廚師將每一塊黑毛豬肉片都切到好薄，方便我哋打邊爐嗰陣落水拖一拖就即刻食得，每一塊黑毛豬嘅脂肪分佈都好均勻，口感豐膄得嚟充滿著黑毛豬味，正。101手工火鍋拼盤種類繁多，令人花多眼亂，當中嘅三重芝士鮮製蝦丸，將芝士同蝦丸擺埋一齊，既有蝦丸嘅彈牙口感，又有芝士嘅三重滋味，咬開嗰陣時記得小心啲啊，因為裏面嘅芝士蘊藏量相當豐富，一不小心就俾啲芝士爆到成口都係架喇。黑松露蟹子海鮮軍艦，呢個軍艦都幾創新喎，將混和咗黑松露同埋蟹子嘅墨魚滑釀喺新鮮嘅豆卜上面，黑松露味加墨魚滑同埋豆卜，
湯底揀咗金蟬脫殼，呢個湯底清清地之餘喺其他打邊爐嘅地方相信都好難搵到一個湯底係有成圈冬瓜同埋蟲草花㗎啦，我最鍾意嘅就係佢出面食唔到，咁樣先至有餐廳特色加嘛。
呢度嘅響鈴認真大碌，你睇下，長過部s6幾多，由於係啱啱新鮮炸起，擺入口嗰陣個心仲係微暖架，口感夠脆之餘蛋味仲好濃添。
西班牙伊比利亞黑毛豬肉片，廚師將每一塊黑毛豬肉片都切到好薄，方便我哋打邊爐嗰陣落水拖一拖就即刻食得，每一塊黑毛豬嘅脂肪分佈都好均勻，口感豐膄得嚟充滿著黑毛豬味，正。
101手工火鍋拼盤種類繁多，令人花多眼亂，當中嘅三重芝士鮮製蝦丸，將芝士同蝦丸擺埋一齊，既有蝦丸嘅彈牙口感，又有芝士嘅三重滋味，咬開嗰陣時記得小心啲啊，因為裏面嘅芝士蘊藏量相當豐富，一不小心就俾啲芝士爆到成口都係架喇。
黑松露蟹子海鮮軍艦，呢個軍艦都幾創新喎，將混和咗黑松露同埋蟹子嘅墨魚滑釀喺新鮮嘅豆卜上面，黑松露味加墨魚滑同埋豆卜，真係估佢唔到咁夾。
黑松露芝士豚肉餃，隻隻豚肉餃都好飽滿，豚肉加埋黑松露同芝士嘅味道，又係另一種食法。
手切安格斯牛頸脊肥牛片，塊塊安格斯肥牛嘅牛味都勁濃，咀嚼後沒有半點多餘嘅渣宰，口感嫩滑。
白鱔片，呢度嘅白鱔片新鮮到不之得了，每一塊都鮮甜爽脆，我選呢個為全晚嘅新鮮之最，屬於絕對要追加嘅項目。
张贴
