一食鍾情

营业中

休息中

老媽子有飯局 我同老竇喺太子一帶 揾咗間新開嘅滷水專門店 食招牌白滷水鹵味-餐廳首創$98原條白滷水烏頭 本來諗住單點 但到最後 轉軚叫二人晚市套餐 滷水鵝/白滷味拼盤/羊腩煲/原條烏頭馬友魚/海南雞 可以自由組合 唔使俾加一😬-🧆滷水拼盤 四拼有水晶鳳爪 牛腱 燻蹄同生腸 坊間嘅滷味用黑滷水醃製 色澤深味道濃 呢度改用白滷水 幾有風味 滷汁味道清新啲 香料味冇咁嗆 食多幾件 都唔怕太鹹太口渴🙂-🐔海南雞鷄肉嫩滑 肥瘦適中 三色醬油係亮點 配薑茸黑鼓油都咁好味-👅鴨舌鴨舌形狀奇特 不過油光亮滑 越嚼越香潤 呢度有多款小食供外賣 一盒幾十蚊有交易 配麵送酒抑或做加料餸 都咁經濟抵食