豊勝手丼 (已結業)

今日一個人去銅鑼灣附近搵嘢食，知道登龍街附近有好多食肆，於是行去睇吓，見到有間日本餐廳全店做緊八折，餐牌賣相都好吸引於是入去試吓。入邊裝修都好有日本特色，長身放上好多日本清酒同日本裝飾。坐低左之後我叫咗碗「海之幸丼」，入邊有油甘魚，比目魚邊，吞拿魚魚腩，三文魚魚子，日本赤蝦，松葉蟹鉗，以及日本海膽（價值$328）。另外，我仲叫咗一支嘢飲，係信州蘋果梳打。個魚生飯入邊啲魚生好新鮮，油甘魚同埋吞拿魚魚腩都好厚身同大舊，好有口感，日本海膽亦都好鮮甜。