南記海鮮飯店

营业中

休息中

新年瘋狂Gathering 既節奏，吾好俾佢停，今次碌到入去三聖食海鮮。因為人數少，食到既海鮮種類吾多，係唯一既遺憾。落車直沖發記揀海鮮，買左蠔，瀨尿蝦，花螺同埋蟶子，再去南記加工。出街食我會盡量揀屋企煮吾到既菜式食。砵酒煮蠔，第一次試呢種煮法，好香口，裙邊仲煮到有少少脆椒鹽瀨尿蝦，瀨尿蝦大大隻原隻煮，肉夠哂鮮甜，我最鍾意夾埋椒鹽碎一齊食，正。豉椒炒蟶子，呢味真係超推介，味道仲正過瀨尿蝦， 蟶子冇沙又鮮甜，個汁夠惹味而且夠"傑身", 差d 連汁都撈埋。辣酒煮花螺，老實講有d 失望。太重酒味，吾夠辣吾夠香之餘，汁亦吾夠"傑身"。咁大個人食過最好食既辣酒煮花螺係十幾年前響火炭冬菇亭，之後已經食吾返果隻味道。炒豆苗，火喉岩岩好。