天外天

疫情下的生日飯決定在呢間中菜廳慶祝，老公一向喜歡吃片皮鴨，我主要吃環境，決定到這餐廳一試。叫咗兩位片皮鴨套餐，坐下時服務員馬上為我哋送上蜜糖合桃，我點了一壺明前獅峰龍井，一向喜歡龍井茶葉的甘，呢度嘅龍井亦保持水準。 頭盤海蜇頭咬落爽脆，鮑魚撻嘅鮑魚都夠彈牙，唔會咬崩隻牙，但最令我哋有驚喜嘅係五香安格斯牛脆脆，考落去有少少趣啲牛肉係軟得來彈牙。👍🏻食完主菜片皮鴨了，失望呀！😫片皮鴨皮不但唔脆，咬落亦沒有Juicy嘅感覺，可能係我主觀嘅喜好，總覺得食片皮鴨咬落去乾淨淨不好吃，但兩人合力把片皮鴨吃完總算10分飽肚。生拆蟹肉菜苗羹，清淡當係緩衝下口感亦不錯。😊😊宮廷海鮮酸辣羹，呢個真係唔好食，食一啖落口得個辣字，餘下的感覺只剩得生粉😫😫蝦球好大隻，個汁好似掩蓋左個蝦嘅鮮　櫻花蝦蟹肉帶子炒飯，飯炒得夠乾身，好好食👍🏻👍🏻甜品亦覺得不錯，慶祝生日來講算OK，值得一試！