傷心酸辣粉 (金百利廣場)

营业中

休息中

銅鑼灣金百利廣場出左名多野食，今日嗜辣既我又出動，去左位於5樓既「傷心酸辣粉」一試。2人餐$278，可以揀3款野食，餐仲已經包埋酸辣粉及飲品。皇牌口水雞雞既份量都算多，口水汁亦非常夠味，可以睇到雞既表皮及肉身都沾滿左口水汁，我地就叫左小辣，味道剛剛好，唔會比辣味蓋過汁既香味。傷心酸辣粉可以揀米線，薯粉，白飯，我今日就揀左薯粉，因為貪佢吸湯掛味，配酸辣既野就非常好味，薯粉軟硬剛剛好，呈現晶凝通透既效果，酸辣湯內有肉碎，酸菜，芫荽等，非常正宗。水煮美國雪花肥牛水煮牛肉、水煮魚就食得多，但水煮肥牛呢個組合就真係未試過，難得有見到，即刻就叫左個試吓，同食開嘅水煮菜式都差唔多，有嘅配料都有，但肥牛比牛肉容易索汁，食落仲入味。傷心辣椒油特製嘅辣椒油，有兩種唔同口味，今次就揀左普通款試吓，另一款店員話比較咸，有興趣可以試吓，一打開就聞到好香辣椒味，當堂覺得好醒胃，用嚟點野食又得，食湯麵又得，唔係一味得個辣字，食落咩食物都有畫龍點睛嘅效果。