影片
更多
2022-01-26
1839 浏览
🧠今日晏就食咩好？推薦下你對自己好啲，細味兩款心機拉麵及小食！🍜嚟到餐廳雖選擇多，但點都應該試咗佢哋最拿手嘢先。店家亦好細心，有詳細介紹兩款名物嘅配料及食用方法。心機嘢都要用心食，先食到廚師嘅心思。如果草草就秒速食曬成碗麵，體驗的確會差好遠。👄🧂貝汁鹽味拉麵鹽味湯底比較少見，另外一直好欣賞白松露油個種純香👃🏻，配搭得宜絕對會為菜式添上唔小特色。整體嚟講，食得出曬所有味道，每款食材都有細緻調味及應有刀功🔪去控制口感。要將咁多特色味道放埋一齊，點樣平衡絕對係一大技巧。⚖️🇯🇵精華湯底為主體，鮮味而不油膩，配上白松露油提香。想重味啲先配更多牛肝菌醬做主味，煙肉碎增加口感及另一種油香，香草京蔥又帶番清新及提鮮作用。3️⃣層肉層次分明，入口卻又可以融為一體，非常滿足及治癒。低溫叉燒夠嫩﹐亦保留到微燻感覺。🌫🥢貝汁醬油拉麵當初對鹽味較有期望，食落又鐘意醬油嘅融和感。可能自己始終較偏好黑松露，相比下認為整體味道感覺較夾。明顯比鹽味濃味，但仍然輕身食得到貝汁鮮味，足以好好享受整個拉麵及湯底，再試其他小食及飲品。🍵🧀一口芝士脆豚呢個分量嘅小食幾好，配醬顯得好日式，亦有非常新鮮嘅沙律菜平衡油膩感。脆豚有分層，中
🧠今日晏就食咩好？推薦下你對自己好啲，細味兩款心機拉麵及小食！🍜
嚟到餐廳雖選擇多，但點都應該試咗佢哋最拿手嘢先。店家亦好細心，有詳細介紹兩款名物嘅配料及食用方法。心機嘢都要用心食，先食到廚師嘅心思。如果草草就秒速食曬成碗麵，體驗的確會差好遠。👄
🧂貝汁鹽味拉麵
鹽味湯底比較少見，另外一直好欣賞白松露油個種純香👃🏻，配搭得宜絕對會為菜式添上唔小特色。整體嚟講，食得出曬所有味道，每款食材都有細緻調味及應有刀功🔪去控制口感。要將咁多特色味道放埋一齊，點樣平衡絕對係一大技巧。⚖️
🇯🇵精華湯底為主體，鮮味而不油膩，配上白松露油提香。想重味啲先配更多牛肝菌醬做主味，煙肉碎增加口感及另一種油香，香草京蔥又帶番清新及提鮮作用。3️⃣層肉層次分明，入口卻又可以融為一體，非常滿足及治癒。低溫叉燒夠嫩﹐亦保留到微燻感覺。🌫
🥢貝汁醬油拉麵
當初對鹽味較有期望，食落又鐘意醬油嘅融和感。可能自己始終較偏好黑松露，相比下認為整體味道感覺較夾。明顯比鹽味濃味，但仍然輕身食得到貝汁鮮味，足以好好享受整個拉麵及湯底，再試其他小食及飲品。🍵
🧀一口芝士脆豚
呢個分量嘅小食幾好，配醬顯得好日式，亦有非常新鮮嘅沙律菜平衡油膩感。脆豚有分層，中間嘅空間控制得好好，芝士口感滑，比起一舨拉芝口感更夾。
🦑鳥皮烏賊揚
脆！大火迫出油脂，精華都在脆香雞皮上，配番低脂高蛋白嘅海類烏賊，又一出色平衡感。芥末醬亦會令人迷上，而且調味不重，整舊浸入仍然係做好襯托角色。
♨️值得一提，冬天飲到咁濃味嘅檸檬生薑蜜真係暖到入心，亦為整個午休畫上完美句號。
💁🏻♀️大家都可以去試埋全新銅鑼灣分店@牡蠣不如歸，係全港首間「牡蠣黃金湯」湯頭拉麵店。
张贴
