workforest
用心經營 無油無味精
workforest
等级4
2025-09-02
105 浏览
关注
呢間老闆專登去咗日本沖繩學師,日日堅持用新鮮食材,花幾個鐘熬湯底,唔落油或者味精整拉麵,自家製多款小食,等客人可以用合理價錢食到健康美食,用心經營,十分推薦。
.
🌟雜菜拉麵 老闆用純素材料準備湯底,確保連器具都冇動物油,但個湯底味道清而鮮,飲完湯都唔會口渴,拉麵爽口彈牙,加上大量新鮮椰菜,口感豐富,飽肚感十足,有種屋企煮嘅感覺。
.
🌟辣牛肉拉麵 湯底每日用牛、豬、魚熬製,一樣係冇油冇味精,可以放心大口飲嘅湯,輕微辣度剛好開胃又唔刺激,鍾意挑戰辣嘅朋友可以揀大辣,雞胸肉出奇地滑嫩,處理技術高超,加上自家製流心蛋,滿足又好食。
.
🌟燒赤魚 火候啱啱好,魚皮微脆,肉質細嫩。冇額外落油或者味精,只係用鹽簡單調味,更加食到魚本身嘅鮮甜。
.
🌟免治雞肉串 免治雞肉串用新鮮雞肉手打而成,加入咗細碎雞脆骨增添口感。冇落味精,肉質軟嫩中帶爽脆,食到食材原味道。
.
🌟大蔥雞肉串 雞肉嫩滑,肉汁豐富,大蔥清甜。火候得宜,串燒香氣足,調味簡單,唔油唔膩。
.
🌟燒茄子 外皮微焦,裏面軟嫩多汁。冇多餘油同味精,更加帶到出茄子本身嘅清甜。
以上食记乃用户个人意见 , 并不代表OpenRice之观点。
赞好
分享
检举
评分
5
味道
5
环境
5
服务
5
卫生
5
抵食