焱丸水產

营业中

休息中

聽聞棉登徑好多好嘢食，經朋友介紹呢間居酒屋，今晚一試 ！雖然行到街尾先搵到，不過門面極具日本特色，好容易搵。進入店內，馬上被店內的日本氣息充滿，滿場的日本特色海報，橫額，燈籠，加上不停播放的日本音樂，猶如置身日本。店員態度親切，上餐的速度不錯，又幫忙燒烤，可以讓我安心與朋友舉酒談歡。先叫了鹽檸檬梳打，冰菠蘿梳打，溫度夠凍，大嚿菠蘿很搶眼。先來龍神號壽司，四至五片不同類型的魚生， 鋪在小壽司山上，造型有趣新鮮，魚生新鮮入口即溶。再來一個吞拿魚盛合，酒店級的擺碟，吞拿魚生以不同形式展出在同一個碟上，雅致優美，魚生有齒頰留香的感覺，加上用生蛋攪拌吞拿魚粒，味道係不可思議的好！我哋又試咗佢哋出名的甲羅燒，試咗原味，黑松露，本人較喜愛原味甲羅燒，蟹膏幾香，燒烤嘅過程中已經開始享受。仲有松葉蟹帆立貝殼燒，海膽帆立貝殼燒，一路燒，店員一路加清酒，豉油，不停攪拌，味道不得了。最後不得不提，鮑魚殼燒，一路燒，鮑魚仍然生猛地滾動，感覺非常新鮮生猛，味道也非常爽口！食物味道一流，滾動的晚餐經驗，推介！