8度餐廳

5/11果日係我牛一，同屋企人簡介地食餐自助餐慶祝見到八度海逸做緊壽星唔洗$300就可以享用自助餐，於是上佢地官網e shop到買飛，官網賣緊原價8折，超抵！！！去到酒店，泊車同事態度殷勤，去到餐廳都好full好彩一早買定飛我地同行有一個兩歲小朋友，服務生安排了窗口位俾我地，咁唔洗騷擾到其他食客一坐低我就食左四隻生蠔，不過不失，再跟住就拎左d厚切刺身，火灸壽司，凍蝦同青口，翡翠螺。食完晒凍食我就開始轉攻熱食，佢地熱食係。超。級。多，我未能食晒所有野，但最印象深刻有片皮鴨，酥皮焗海鮮，羊架，印度咖哩，鵝肝，燒牛扒，炸物，所有野都超出左我既預期，好少自助餐樣樣野都好味我諗我只係食到七成既熱食，因為真係好多好味既野，但我都要食埋甜品。甜品又係好出色，有芒果拿破崙，梳乎里，tiramisu, 特濃朱古力，豆腐花，蛋撻，榴槤pancake, 格仔餅，又係所有都好好食，就算超飽都覺得味道好。強烈推薦俾我身邊既朋友，400幾蚊，食到高水準既自助餐係抵既！*收碟侍應好服務，針水快，收碟快，仲同我地個兩歲妹妹玩*唯一係枱與枱之間好貼，我地坐得入，出入都要麻煩到其他食客讓一讓