甜牙牙

营业中

休息中

係旺角晚飯後想搵甜品食，搵到呢間以窩夫刨冰為主嘅甜牙牙，環境唔係太大，但坐位都唔少，坐落都舒適，又唔使等位，價錢亦相當合理，揀左朱古力窩夫同抹茶心太軟。熱辣辣朱古力窩夫上枱，有半份朱古力窩夫，加上朱古力忌廉，鮮忌廉，朱古力雪糕，烤棉花糖，同朱古力醬，朱古力愛好者一定十分滿足，窩夫外脆內軟，帶香甜朱古力味，最重要係即制夠熱，夠濕潤唔乾，忌廉幼滑，配搭得宜。抹茶心太軟，配上藍莓，士多啤梨，大大粒軟糯紅豆蓉及抹茶雪糕，心太軟外皮鬆脆，切開熱辣辣流心，抹茶味道香濃帶回甘，又唔會太甜，配抹茶雪糕，一冷一熱，相得益彰。原來，小店都可以充滿驚喜。