Flames (黃埔天地)

营业中

休息中

新年番工第一餐lunch, 想食得好D同坐得舒服同 同事一齊傾下計, 所以就黎左flames。當日黎到唔算多人, 一黎到就有位, 午市套餐價錢由HKD78-1XX不等，都係D正常西餐,  有意大利飯、意粉等, 畀多少少錢可以食牛扒套餐，都係2百蚊內。我簡左個意粉食, 雞肉蘑菇黑松露扁意粉 (HKD88)。意粉上灑左D芝士粉, 撈埋黑松露醬，令整個意粉除左有黑松露味外，仲帶有少少芝士的奶香。扁意粉較為硬身厚實，掛到好多黑松露醬。意粉整體ok, 但雞肉份量有D少, 得3塊，同埋比較瘦同乾，應該都係雞胸個D位，如果多少少雞肉會比較好。 餐湯同沙律要加錢先有，有D唔抵，如果包埋會比較抵。