影片
更多
2023-05-22
55 浏览
2023年5月6日 星期六今晚帶埋老婆同BB出到去尖沙咀行街食飯，最後行去到K11搵野食，咁岩見到一樓既呢間餐廳好似新開張無幾耐，又有人排緊隊，於是即刻都排黎試下等待期間見到裡面既裝修好有特色，感覺似係好典雅嘅喫茶店，枱凳同燈都令人好似置身於日本既咖啡室咁等咗大約10分鐘就可以入座，睇返餐牌原來做緊櫻花祭，餐廳設計左幾款有關櫻花嘅菜式，就咁睇圖片都幾吸引，最後決定要咗櫻花日式布甸船作為甜品，另外再要咗意粉、小食同飲品，價錢尖沙咀來講都唔算太貴一點完餐之後等左一陣飲品就送到，先黎有我要既青森蘋果梳打，有好濃郁嘅蘋果清甜味，加埋梳打同薄荷葉，夠晒清涼老婆就要左紫薯牛乳，牛奶味幾重，同紫薯好夾，飲品上面仲整咗個圖案添，賣相一流跟住食物陸續送到，有明太子蛋包意粉，雞蛋一切開裡面係半熟流心，既充滿蛋香，又夠輕盈，意粉完全掛到汁同彈牙，味道唔錯之後有小食南蠻炸雞配沙律醬，醬汁酸酸甜甜幾開胃，炸雞既外皮炸到好脆口，但裏面嘅雞肉仍然保持嫩滑，雖然份量唔多，但係每一舊都好大件再黎有草莓法式多士，多士上面鋪滿左士多啤梨醬、草莓同藍莓，一切落去好腍，麵包唔會炸到硬晒，食落去每一啖都有士多啤梨醬，酸甜度啱啱好
今晚帶埋老婆同BB出到去尖沙咀行街食飯，最後行去到K11搵野食，咁岩見到一樓既呢間餐廳好似新開張無幾耐，又有人排緊隊，於是即刻都排黎試下
等待期間見到裡面既裝修好有特色，感覺似係好典雅嘅喫茶店，枱凳同燈都令人好似置身於日本既咖啡室咁
等咗大約10分鐘就可以入座，睇返餐牌原來做緊櫻花祭，餐廳設計左幾款有關櫻花嘅菜式，就咁睇圖片都幾吸引，最後決定要咗櫻花日式布甸船作為甜品，另外再要咗意粉、小食同飲品，價錢尖沙咀來講都唔算太貴
一點完餐之後等左一陣飲品就送到，先黎有我要既青森蘋果梳打，有好濃郁嘅蘋果清甜味，加埋梳打同薄荷葉，夠晒清涼
老婆就要左紫薯牛乳，牛奶味幾重，同紫薯好夾，飲品上面仲整咗個圖案添，賣相一流
跟住食物陸續送到，有明太子蛋包意粉，雞蛋一切開裡面係半熟流心，既充滿蛋香，又夠輕盈，意粉完全掛到汁同彈牙，味道唔錯
之後有小食南蠻炸雞配沙律醬，醬汁酸酸甜甜幾開胃，炸雞既外皮炸到好脆口，但裏面嘅雞肉仍然保持嫩滑，雖然份量唔多，但係每一舊都好大件
再黎有草莓法式多士，多士上面鋪滿左士多啤梨醬、草莓同藍莓，一切落去好腍，麵包唔會炸到硬晒，食落去每一啖都有士多啤梨醬，酸甜度啱啱好，食完都唔覺得太膩
最後仲有期待已久嘅櫻花日式布甸船，分別有新鮮士多啤梨配布甸同櫻花形狀嘅果凍，食落去真係有淡淡櫻花嘅香味同埋透心涼，而布甸就有好香嘅雞蛋味，而且十分滑溜
埋單每人都係二百幾蚊左右，已經飽住個肚咁走
张贴
