Apinara

营业中

休息中

約左朋友去金鐘食飯，諗住每人300-400走吾甩啦，點知埋單每人260幾，真係好抵食！間鋪頭靜靜地，人吾算多，最適合同好耐冇見嘅朋友慢慢傾。我地叫左個蝦餅，正正常常無咩特別。另外叫咗個冬陰功，佢呢個冬陰功係加咗花膠，所以特別貴，佢下面有個爐熱住啲冬陰公，大約4-5人份量，味道ok吾會太辣，不過舊花膠真係好細舊，有兩舊。另外仲嗌咗個泰式金邊粉，同埋呢度出名嘅泰式蟹肉奄列。個奄列係幾香，不過同時亦都偏老，啲蟹肉似乎唔係好能夠同奄列融合，似係分別食緊兩樣野，但味道都係可以接受。最後叫咗個榴槤同埋泰式奶茶雪糕，呢兩樣野最好食！綜合來講，係金鐘呢個價錢啲嘢食又OK，又可以同朋友傾到計，我覺得吾錯！