南越南咖啡廳

营业中

休息中

今日係旺角閒逛，係時候開餐，上網搵到呢間特色fusion 越南菜，試下都好喎！好，坐低睇吓有咩好食先。火龍芒芒蝦仁配脆蝦片，係用火龍果汁加芒果去製作，沙律有青瓜絲、洋蔥粒、味道酸酸甜甜，仲要每個有三四隻蝦仁，個蝦片好好食。NVN 咖啡骨，個present好有心思，用杯裝住上面係棉花糖，再用咖啡沖落去，食落有少少糖醋底，after taste係咖啡味。惹火上身鹹檸豬頸肉，呢個菜又有得玩火，個豬頸肉好爽脆，下面墊住菠蘿，感覺冇咁油膩好清新。順化麻辣鴨血金邊粉，呢個粉好fusion ，越南x台灣，麻辣味都做得唔錯，份量都好夠。斑斕龍眼茶，個樽仔好得意喎，飲落有班斕甘香。