瑪寶鮮

营业中

休息中

瑪寶鮮海鮮酒家 飮茶點心套餐又係星期日飲茶食點心時間，叫咗$138午市套餐，兩籠點心加碟牛肉炒麵，再贈送多籠甜品，連茶費再加一，實付$191，以尖沙咀地段，屬於優惠街坊價。食物質素就一般般，牛肉炒麵賣相雖然睇得下，但上枱時唔係熱氣騰騰嗰種溫度，似乎唔係頭鑊親自下廚，牛肉及炒麵份量都可以，牛肉較為煙靭，有少少咬口，食物溫度唔夠，立即大打折扣。三籠點心溫度就正常，蝦餃皮唔夠煙韌，一夾就散，唔知係唔係冇咗竹筍餡，蝦餃缺乏口感。至於蒸排骨份量就真係唔多夠，只係有排骨加蒜蓉，味道還可以，排骨有一半腍一半韌，而紅棗糕就可以唔使多講啦！茶樓衛生整體算合格，枱與枱之間位置較為相近，服務態度有禮親切，比一般酒樓更好。