瑪寶鮮

瑪寶鮮海鮮酒家環境寬敞明亮，出品一向保持穩定。蝦餃皮薄通透，入口爽滑，蝦肉彈牙且帶甜味，蘸少量豉油更加提鮮。蝦仁炒飯粒粒分明，炒得乾香，蝦仁分量充足，油分不多，吃起來清爽可口。雞絲春卷炸得金黃酥脆，咬開時雞絲香氣撲鼻，配上酸梅醬味道更佳。豆沙餡煎堆仔外皮香脆，內裡是濃郁綿滑的紅豆沙，甜而不膩，口感層次分明。叉燒包則鬆軟蓬鬆，叉燒餡汁多香濃，甜鹹適中，每一口都十分滿足。整體而言，這家酒家的點心水準高，無論是材料新鮮度、火候掌握還是味道平衡，都表現出老字號的功力，非常適合一家大小聚餐或週末早茶。…查看更多

尖沙咀瑪寶鮮：地段優越的街坊之選在尖沙咀覓食，想找個地方飲茶，瑪寶鮮海鮮酒家提供$148的**午市套餐**，包含兩籠點心加一碟炒麵/炒飯，並贈送一籠甜品，連同茶費與加一後實付$191，抵。以尖沙咀的地段而言，確實是優惠的街坊價。食物質素整體而言一般中上。炒麵賣相尚可，但上桌時不夠熱氣騰騰，影響了風味。點心方面，蝦餃ok正；蒸排骨份量可以，搭配蒜蓉，味道尚可，但排骨口感一半腍一半韌；至於甜品，則表現平平。環境方面，茶樓衛生整體合格，但枱與枱之間距離較近。服務態度卻有驚喜，侍應有禮親切，比一般酒樓更佳。總的來說，若在尖沙咀想以相宜價格飲茶，瑪寶鮮的套餐是抵食之選，但對食物質素不宜有太高期望。…查看更多

雪友推介的餐廳, 見好多食評都话好,梗要去試吓😁一早預訂咗一隻燒鵝,功夫石斑. 去到餐廳,侍應們態度都好好☺️問吓有咩招牌菜,乳鴿,乳豬,叉燒... 咁即刻叫啦. 叉燒頭,又香,有D肥有D燶,肉汁夠,堅好味👍乳鴿,調味好好,又係好好味,原來要預訂先有,好彩有三隻剩,全要😁乳豬又係,只剩一隻,都好食,但我比較喜歡叉燒☺️功夫石斑,好滑,豆角一齊蒸,好特別😍燒鵝相對失色咗D,但都好嘅.之後點咗蔬菜同豉油皇炒麵,都唔錯. 單尾點咗甜品,但無咩印象lu. …查看更多

美味的一字骨，應該用了點鎮江醋，甜酸味調教得非常適中，微微的酸令吃這道菜時不會太滯。蟹肉炒粉絲的粉絲比蟹肉更好吃，因為粉絲給了蟹肉的味所以份外惹味，以蟹肉的份量亦比想像中多。椒鹽九肚魚的炸粉漿很靚，又薄又脆口，九肚魚肉質又滑又新鮮。這家的北京填鴨很出名，所以亦點了一試，來個兩吃，味道不錯，鴨的肥瘦適中，不會太肥卻又有鴨的油香。第二吃是鴨肉炆涼瓜，很少見有這麼多鴨肉，反而覺得如果涼瓜多一點味道會更好。豉椒肉片煎米粉做得很好，煎米粉做得又薄又脆，看似普通的菜式卻需要花很多心機去烹調。因有人生日所以點了壽桃包。…查看更多

朋友介紹呢間食傳統粵菜嘅酒家，訂位時先預留燒乳豬半隻，始終唔係一大棚人食，所以唔敢叫咁多野，費事食唔晒浪費食物。乳豬正常size，唔係超細隻嗰啲小香豬，重點係唔會好似小香豬會有比較濃嘅豬羶味，呢間嘅乳豬燒得好食，兩隻豬腳仔唔會燒到好燶，所以可以食到。除咗叫咗乳豬之外，我哋仲叫咗兩個菜，呢個係蓮藕餅，整得好好食，蓮藕爽甜，入面釀嘅餡料都好新鮮。另一個係梅菜蒸菜芯，呢個煮法令啲菜芯嘅味道更加清甜，咁樣煮原來幾好食。…查看更多

瑪寶鮮海鮮酒家 飮茶點心套餐又係星期日飲茶食點心時間，叫咗$138午市套餐，兩籠點心加碟牛肉炒麵，再贈送多籠甜品，連茶費再加一，實付$191，以尖沙咀地段，屬於優惠街坊價。食物質素就一般般，牛肉炒麵賣相雖然睇得下，但上枱時唔係熱氣騰騰嗰種溫度，似乎唔係頭鑊親自下廚，牛肉及炒麵份量都可以，牛肉較為煙靭，有少少咬口，食物溫度唔夠，立即大打折扣。三籠點心溫度就正常，蝦餃皮唔夠煙韌，一夾就散，唔知係唔係冇咗竹筍餡，蝦餃缺乏口感。至於蒸排骨份量就真係唔多夠，只係有排骨加蒜蓉，味道還可以，排骨有一半腍一半韌，而紅棗糕就可以唔使多講啦！茶樓衛生整體算合格，枱與枱之間位置較為相近，服務態度有禮親切，比一般酒樓更好。…查看更多

一行五人食生日飯，好耐冇食中菜仲要酒樓，生日話要食中菜，佢揀咗呢間喺尖沙咀寶勒巷搭電梯上樓！枱同枱之間都尚算寬敞，加上唔會太嘈，完全可以傾到計，因為未人齊先叫咗一碟燒腩仔食住先，鬆化，肥瘦均勻入口即溶，好味呢度有啲手工啤酒，老公話想試，幾乎每台客都叫呢個蟹肉粉絲煲、味道淡咗少少，另外叫咗椒鹽鮮魷，正常發揮我哋女仔多，所以叫咗一個菜，啫啫蝦乾芥蘭煲，好夠味讚至於攬角骨啖啖肉好好味，一碟大概六條一有一條剛好咁我哋有買蛋糕嘅，酒樓一般都唔收切餅費，所以感覺良好❤️…查看更多

又找到一間不錯的中菜☺️不過上菜時間非常快 很適合速食的香港人？😂金沙涼瓜最愛的送酒小菜之一 金沙非常香口，配以苦苦地嘅涼瓜出奇地夾 停唔到係咁食鮮果咕嚕肉送飯必備 咕嚕肉肉質鮮甜冇臊味，炸皮好薄 ，酸甜汁沒有過酸，又一個令人一口接一口的菜式燒腩仔皮脆而且燒得好香，但仍能保持肉汁豉椒牛肉煎脆米粉豉椒牛肉醬汁略鹹，牛肉入口嫩滑，米粉煎得都幾香，唯獨感覺不是很熱原籠荷香梅菜蒸菜心梅菜嘅鹹香加埋菜心嘅甜，入口豐富 生炒鮮蟹肉粉絲煲蟹肉係新鮮嘅生拆蟹肉，好鮮甜，粉絲索埋啲蟹汁一齊食好香椒鹽魷魚鬚脆漿好薄，魷魚鬚炸得不會過老，送酒良伴龍躉煲龍躉肉質鮮甜啖啖肉，配以煲仔一齊上 香氣十足蜜汁叉燒頭真係冇乜地方有一碟叉燒頭上，叉燒頭煙靭有𡁻頭，但一啲都唔嚡口，正小炒王同樣係送酒涼拌，配料十足 ，蝦乾魷魚，鮮味無比…查看更多

唔係第一次食瑪寶鮮，亦經常介紹朋友去，但今次嘅經驗實在係不吐不快。訂枱嘅時候留左半隻乳豬，訂枱八點，我地七點五十五分去到，去到櫈都未坐，佢就已經話「咁我幫你上左豬先」，非常急趕。 明白佢係無得整半隻豬，一定係有另一枱同我地share每枱半隻，所以另外果半隻已經上左另一枱，佢想快啲上埋呢半隻，但係安排同談吐上係有好多值得改善嘅地方。寫好菜，一路食飯，每隔三兩分鐘就嚟收碟，就走嚟問呢碟仲要唔要，果碟仲要唔要，「不如食埋佢我收左佢」，等等。 枱唔夠位上菜，叫佢換隻細碟，又唔得喎，係要我地夾晒啲餸佢佢可以成碟拎走，莫名奇妙。最癲係，食食下飯，仲有幾枱客喺度，亦未到收鋪時間，佢熄燈。 在場食緊飯嘅客全部都打左個突，咁咪唯有全部起身走囉，唔係可以點。食物方面，以佢嘅價錢嚟講質素係OK（$400人頭），同佢可以自帶酒，仲要喺尖沙咀，其實係幾好 。 但服務方面無可否認係每下愈況，近年大家都好喜歡比較香港同其他地方嘅食肆，其他不談純講服務的話，香港食肆的確係非常令人擔憂 。…查看更多

奶奶生日 想食中菜 姑拉book左瑪寶鮮 第一次黎 晚飯時間都幾full 我地叫左好多野食下 份量同味道都恰到好處［椒鹽龍躉皮］出面比較少食到 煙煙韌韌幾有趣 ［杏汁燉花膠潤肺］飲落香甜 花膠又養顏 岩哂我［蟹肉粉絲煲］鋪喺面嘅蟹肉都幾多 同埋幾大梳同新鮮［百花釀蟹鉗］好彈牙 好食 食一個都開始飽飽地［堂剪妙齡乳豬］上檯時係未切 唔知點解望落覺得有d不安😅 不過味道ok 皮都夠脆［安格斯牛仔骨煲］呢個好香口 煲仔菜d配菜係精髓 爆到勁香既配料 係我至愛 當然主角牛仔骨都好唔錯［小炒王］呢個同坊間一般小炒王有啲唔同 魷魚鬚係有粉漿包住炸過 仲有油炸鬼同大量綠豆芽 韮菜份量反而好少 呢個反而我鍾意食返最傳統既個種炒法多d［羊腩煲］味道ok 但上枱時 羊腩煮得唔夠時間仲係比較靱 有點失色［糯米飯］味道唔錯 軟硬適中👍🏻［馬拉糕］滑順綿密 唔會好甜 唔錯［自家製楊枝甘露］呢個超推介 非常多料 好正整體水準平均 性價比幾高 可以encore老人家一定食得開心😃…查看更多

星期一“小犬”過後，下午返咗半日工，晚上約咗朋友去瑪寶鮮晚餐。瑪寶鮮係其中一位食家朋友介紹，睇佢臉書就知佢識飲識食，佢介紹得一定有返咁上下水準。我哋11人，以小菜主，記住傾計唔記得為美食留影，不過幾款精選仍然有影低：《牛仔骨》牛骨仔，有黑椒味，不柴口，我同朋友最鍾意食啲料頭蔥蒜，完煲上，食得出鑊氣十足。《炭燒蜜汁叉燒》睇圖畫已經覺得好靚，圖文相符，叉燒屬於厚切，少少燶邊，肉質鬆軟，肥瘦均勻，加埋個蜜汁，果然係招牌。《咕嚕肉》前面有好多咕嚕肉好厚粉，但係呢度外殼夠薄，同埋真係咕嚕肉，唔係生炒排骨，啖啖肉，加上個汁亦都唔會太酸，好好味。《脆皮雞》朋友點名叫，隻唔算好大，但係真係皮脆肉嫩，好juicy，感覺好似細個去飲食嘅炸子雞。《避風塘釀茄子》朋友話呢一款係小食，真係大大件嘅小食🤣茄子釀嘩花膠，炸得香酥，加上炸香蒜，好有驚喜。《太極鴛鴦飯》又係另一個兒時回憶，以前家酒樓先有呢味。一邊白汁雞皇，另一邊係蕃茄底，記得一碗飯要兩樣味道有哂，大大碟，味道剛剛好，醬汁誤會過杰，好滿足。#瑪寶鮮 #中菜 #酒樓 #良朋歡聚#牛仔骨 #炭燒蜜汁叉燒 #咕嚕肉#脆皮雞 #避風塘釀茄子 #太極鴛鴦飯#food #foodporn #foodlovers #yummy #foodie #foodbubbles #yummyyummyfoodhk #hkig …查看更多

一班人、想飲酒、又想傾計傾耐D，梗係要揀一間地點就腳唔難搵，自己帶酒免開瓶費，有齊冰桶酒杯，而且不限時坐到尾。一坐低就點咗雞煲翅，每碗都好足料，夠火喉，唔油膩，$498已經夠6-7人份量，太期待，相都吾記得影。果然，好食嘅嘢吾係淨係睇賣相。…查看更多

行尖沙咀見到呢間中菜館，我睇番open rice D介紹，所以決定嚟試吓！叫咗幾個我鐘意嘅餸，生炒蟹肉🦀️粉絲煲，金銀蛋莧菜，陳皮蒸班頭腩。佢哋煮嘅餸味道偏淡，不過唔緊要，我食得健康，只要加D豉油就得！生炒蟹肉幾好食，粉絲勁多，唔洗叫白飯！莧菜新鮮，個湯可以飲埋，好好味。仲有班腩啖啖肉，味道淡，加番D豉油更好味！伙記服務態度熱心，廿五分鐘就上晒三個菜，地方闊落好座！全場都爆滿，所以必須要訂位！😊😊😊…查看更多

又到母親大人生日，呀妹知呀媽喜歡中菜，所以揀了這中菜館慶㊗️。我們點了：🥢蜜汁义燒🥢脆皮燒煵仔🥢金皮鹽香鷄🥢蟹肉粉絲煲🥢原籠荷香梅菜蒸菜心🥢砵酒焗酥蠔🥢上湯龍蝦伊面🥢陳皮蒸龍躉🥢花竹蝦干通菜煲🥢金銀蛋蜆菜🥢咕嚕肉🥢懷舊馬拉糕／壽包整體菜式水準平均，兩老很滿意，本人比較喜歡酥蠔，外層酥皮夠薄脆，內層蠔肉軟而多汁，另外蟹肉粉絲也抄得很乾身和惹味，义燒也煮得很腍身和醬汁夠入味，反而我覺得壽包麻麻，無乜蓮容香味，所以沒吃完 。…查看更多

星國家人回港探親指定要食燒鵝，尋找一輪選咗瑪寶鮮訂位講明不限時正好一家人談天說地開開心心啦瑪寶鮮燒鵝皇上枱熱辣辣，皮脆肉滑，鵝油超香。有一點點肥但還好的蜜汁叉燒皇非常軟腍✅應該要配碗白飯，可惜成家都戒左澱粉生炒鮮蟹肉粉絲煲乾身非常，帶辣但惹味，濃湯杞子雲耳浸時蔬 清清地店員都十分Nice，所以長輩都食得開心再有飯局都會再來，大枱可以18-22人一流好味度：✅✅✅✅抵食度：✅✅✅回頭度：✅✅✅✅舒適度：✅✅✅✅…查看更多