616牛肉火鍋專門店 (翠怡花園)

营业中

休息中

入大埔行完街，我呢個牛魔王又想食打邊爐，就揀左間專食牛嘅火鍋店。入到黎真係大開眼界，因為你想食嘅牛部位都有得食，有啲連名都未聽過。用平板自己落單，十分方便今次我就叫左鴛鴦沙牛湯底，又可以食清又可以食濃。食物方面就叫左以下幾樣：💠胸口膀💠牛心💠安格斯橫隔肌💠牛駝峰💠手打牛滑💠麻辣牛肉餃💠美國肩胛翼板💠蘇格蘭雪花胸肋💠手打手筋丸💠公仔麵💠菊花桂圓露個人就覺得當中肩胛翼板同牛駝峰最有牛味同最滑，口感似手切牛肉。雪花胸肋上面初初以為係肥肉，食落原來係筋黎，唔韌。特別推介大家試胸口膀，非常爽口，出面難搵。麻辣牛肉餃較厚皮，亦唔係好辣。牛筋丸好彈牙，牛味濃😋。呢到仲有幾款自制飲品，我就揀左菊花桂圓露。味道清香，解熱氣。