616牛肉火鍋專門店 (翠怡花園)

天气凉就梗系要打边炉喇,616牛肉火锅系食牛既唔同部位,就黎试下见佢个套餐麦都有就直接叫套餐唔使谂叫咩事后知道原来预早系openrice book位系有订坐预购优惠嫁个牛骨清汤,清但好味炸鱼皮,脆脆的口感同少少咸既香味,就咁食又好食,渌一渌先食都好食牛肉,其实食到都唔知边款打边款,但,全部都好好味有口感鲜美既,入口即溶既,鲜嫩多汁既呢杯柑桔柠檬梳打,真系不得了,酸酸甜甜,配打边炉,冇谂过咁夹,而且估唔到佢咁大杯,必叫…查看更多

3月尾天气突然转冻，紧系想去打边炉啦，即刻谂起616有二人餐，有齐好多款式既配料又抵食我地今日9点前入座，所以冇夜猫优惠，拣左个升级2人餐，冇记错佢地仲有个普通版二人餐同四人餐既，如果大家优惠时段黎就应该散嗌适合d汤底就另+20要左沙嗲同青花椒既鸳鸯锅，616既青花椒汤底系世一架！个辣味真系越滚越正！食辣既系一定要拣呀，拎黎渌菜索哂d辣味！一落完单好快就会上到成枱都系𩠌，d肉好好食，好有牛味同油香味，特别钟意日本牛颈脊唔够饱仲可以散叫多几碟，另外想赞下616既牛丸同贡丸都好出色…查看更多

好耐冇嚟616，见今日天气冻冻地就嚟打个边炉，今次叫咗个二人套餐牛骨清汤底清澈见底，散发住淡淡嘅牛骨香气叫左几款牛肉🐮牛五花：普通肥牛，无乜特别肩胛肉：肉质细嫩，带有少少嚼劲，牛味浓郁牛颈脊：肉质软嫩，油脂丰富，系我嘅最爱五花趾：肉质弹牙，牛味浓郁，口感独特其他配料：牛筋丸：口感弹牙，牛味十足，有啲肉汁鱼皮饺&蜂巢豆腐：都系街市买到嘅味道凉拌云耳：个调味唔错，清爽解腻，口感爽脆，系火锅嘅最佳配菜。炸鱼皮：香脆可口，可以就咁食，亦可以浸落汤底，吸收汤汁精华今次616嘅两人套餐都满意。牛肉品质唔错，口感特别，最后叫埋野饮，埋单500，价钱有啲略贵…查看更多

💁‍♀️💁‍♂️ 16/12/2023(Sat), Dinner🍽天气冻冻哋又系打边炉嘅时候，今次💁‍♀️为食妙妙、💁A先生带埋🧑👧小朋友去到大埔嘅616牛肉火锅专门店，店方主打唔同部位嘅牛肉单价唔高，方便大家试多几款。店舖唔算太大间，但都坐得舒服阔落，店内墙身上面有壁画装饰，仲有幅图展示返唔同嘅牛肉喺嚟自牛嘅边个位置。落单方面主要用店方嘅平板电脑，都好方便易用。当晚我哋8点半后入座仲有8折优惠，食落更加抵食。而今晚我地order咗：🔆 鸳鸯麻辣牛骨汤（$82）火锅🍲当然首先要拣好汤底，我哋就选择咗鸳鸯汤底，有辣有唔辣，方便小朋友之余，为食妙妙同A先生就可以食麻辣𠮶一边。牛骨清汤嘅一边虽然睇落清澈，但都好重牛味；至于麻辣𠮶一边汤底就估唔到麻度同辣度都好足，十分刺激。🔆 日本精选和牛（$48）店方嘅其中一个优惠，就系精选和牛$48一碟，以我哋4人惠顾就可以叫两碟。虽然就无指明部位，但都有唔错嘅油花，入口嫩滑。🔆 牛颈脊（$48）、匙柄（$48）、牛驼峰（$48）店方一个好处系每碟牛肉都系$48，份量唔系太大，方便食客可以叫多几碟或者试吓唔同嘅部位。当晚我哋比较夜去到，所以有啲牛嘅部位都已经卖晒，除咗优惠嘅和牛之外，我哋都叫咗几几个部位嘅牛肉嚟食。每碟上枱都好新鲜，牛肉睇落都系鲜红色嘅，轻轻渌一渌食落牛味浓郁，肉质嫩滑。🔆 黄喉（$48）煮完之后嘅黄喉好爽口，唔系间间餐厅有得叫呢个部位。🔆 黑豚梅花肉（$68）除咗牛肉，我哋都有叫其他肉类，呢个黑豚梅花肉系其中一款。薄切嘅黑豚肉肉味唔错，有啲油花食落唔会好嚡口。🔆 虫草花杞子滑鸡（$48）呢个滑鸡真系唔错，煮完都仲保持到滑度，有啲即使煮咗好耐都食落肉质嫩滑而有鸡味。🔆 手打虾滑（$28）正正常常足料嘅虾滑，煮完都弹牙好食。🔆 蜂巢豆腐（$28）就好似海绵🧽一样索汤能力一流，煮完后吸收咗汤汁嘅味道十分入味好食。🔆 响铃（$28）为食妙妙每次必叫嘅响铃，轻轻渌一下就食。🔆 粟米🌽（$28）新鲜爽甜嘅粟米🌽，都系个打边炉🍲唔错嘅选择。🔆 莴笋（$28）又系个吸味一流嘅食物，煮过后吸收咗汤汁嘅味道，爽脆好食。🔆 鲜制手打乌冬（$18）食完一轮肉类同蔬菜之得，都要叫返啲碳水化合物嚟饱肚嘅，呢个乌冬煮完又滑又弹牙，仲吸收咗汤底嘅味道，食落好好食。🔆 616原浆-手工啤🍺（$38）狮子山啤出品，有啤酒花香同带微微苦涩，配合牛肉食唔会盖过肉味。🔆 乌梅汁（$16）酸酸甜甜好清新开胃。🔆🔆🔆🔆🔆🔆🔆🔆🔆🔆🔆🔆🔆❤🙆‍♂️(A先生)整体食评：9/🔟❤🙆‍♀️(为食妙妙)整体食评：9/🔟👉🏻 食材新鲜，每碟牛肉嘅价钱同份量都唔太多，即使人少少都可以试多几款牛A先生车友指数 🚗🛣️ 交通容易指数：🚗🚗🚗🚗(4/5)🅿️ 泊车容易指数：🚗🚗🚗🚗(4/5) 👉🏻 餐厅附近就有唔少表位🅿️，等一等好快有得泊👉🏻 太和站或者大埔中心行过嚟都系10分钟左右路程，交通尚算方便🔆🔆🔆🔆🔆🔆🔆🔆🔆🔆🔆🔆🔆…查看更多

唔同嘅部位，渌嘅时间都唔同舖头好细心会话俾你知，而且有个计时器，最钟意就系佢嘅汤底够晒清佢嘅饮品都非常之有特色，浆料又齐全有时仲会有做优惠，记得要喺OpenRice订位有折头…查看更多