影片
更多
2024-03-21
348 浏览
香港係一個多元社會，有好多少數族裔群體會係香港落地生根。油尖旺一帶有唔少東南亞菜餐廳，好似佐敦廟街就有一間🇳🇵尼泊爾菜餐廳The Jungle，環境比較型格昏暗，行森林風酒吧路線🌲餐廳供應唔少地道尼泊爾菜式，有部份同大家較熟悉嘅印度菜有唔少相似之處，亦都以不同香料為主，如果想嚐嚐鮮，認識多啲尼泊爾菜特色嘅話都可以試試🤪🤪另外仲有唔少西式意粉、薄餅、肉類，如果想食返啲大路菜式都可以叫。🧀Jalapeno Cheese Rolls 墨西哥辣椒奶酪卷一條條芝士包裹金黃香脆嘅酥皮，醬汁係墨西哥辣椒醬，酸酸辣辣好惹味😙🥟Jungle International Platter 森林國際拼盤雲集尼泊爾特色小食以及其他大路小食。尼泊爾菜最出名要數Momo餃子🥟餃子皮相對港式餃子較煙韌軟糯，餡料係洋蔥豬肉餡，一咬開即爆汁，好juicy💦味道清清地，食到洋蔥清甜味，可以點少少香辣嘅醬汁增添層次😋雞翼就好似脆香雞翼咁香口。墨西哥taco有酸忌廉、牛油果醬等，味道好豐富。香辣雞肉就比較重酸酸地嘅香料味，幾有特色不過唔係食得好慣😂🍛Kirat Traditional Set 傳統尼泊爾米飯拼盤另一款充滿尼泊爾
🧀Jalapeno Cheese Rolls 墨西哥辣椒奶酪卷
一條條芝士包裹金黃香脆嘅酥皮，醬汁係墨西哥辣椒醬，酸酸辣辣好惹味😙
🥟Jungle International Platter 森林國際拼盤
雲集尼泊爾特色小食以及其他大路小食。尼泊爾菜最出名要數Momo餃子🥟餃子皮相對港式餃子較煙韌軟糯，餡料係洋蔥豬肉餡，一咬開即爆汁，好juicy💦味道清清地，食到洋蔥清甜味，可以點少少香辣嘅醬汁增添層次😋雞翼就好似脆香雞翼咁香口。墨西哥taco有酸忌廉、牛油果醬等，味道好豐富。香辣雞肉就比較重酸酸地嘅香料味，幾有特色不過唔係食得好慣😂
🍛Kirat Traditional Set 傳統尼泊爾米飯拼盤
另一款充滿尼泊爾地道特色嘅主食，用荷葉呈上好有特色。有孜然黃薑飯、醃豬肉、發酵黃豆、血腸、尼泊爾醬、水牛肉乾等。豬肉夠哂肥🤪層層相間，加上青菜味道都幾好。水牛肉乾就好有嚼勁，好似美國嗰啲jerky零食咁。血腸平時比較少見，帶少許酸味，冇乜內臟味又唔錯😙😙如果食唔慣啲配料，加埋酸酸辣辣好刺激嘅辣醬食就啱晒😛😛
🧆Bhutuwa 炒豬雜
另一款地道菜式，睇嚟尼泊爾人都幾鍾意食肥豬肉，呢個豬肉炒到將脂肪位嘅油份逼咗出嚟，食落比較煙韌，外面包裹滿滿嘅香料，帶點孜然粉香味，另外仲有豬大腸，如果鍾意內臟嘅人可以試下😗
🌹Kheer 尼泊爾米布丁
不論印度抑或尼泊爾人都鍾意係節慶日子食嘅甜品🎉用牛奶將米飯燴到十分軟糯，口感黏黏地，充滿牛奶香甜味🍼仲帶點荳蔻同玫瑰香氣，估唔到用飯嚟做甜品都唔錯😚
🍹Tropical Smoothie、Healthy Yak
飲品有唔少酒類、mocktail、cocktail等選擇，黃色個杯特飲混合菠蘿、芒果、熱情果，酸甜清新；藍色個杯就有藍莓、益力多、薑啤等，有輕微嘅藥水味。
人均消費：$300
推介指數（10分為滿分）：7.5分
张贴
