影片
更多
2022-07-03
34 浏览
📍樂天皇朝 - #YFF東涌 💎呢間主打正宗上海菜嘅連鎖餐廳，佢地獨家首創嘅八色小籠包，相信有唔少人就算未食都聽講過。➤ 皇朝小籠包 ($138)食呢籠八色小籠包係要跟次序架～店家建議由淡味嘅開始食到濃味，由中間嘅原味小籠包開始，跟住就到綠色嘅糟溜絲瓜味，之後順時針方向食鵝肝、黑松露，芝士，蟹粉，蒜香，最後就係最重口味嘅川味。整體黎講，每個小籠包都做到皮薄餡靚，而且湯汁豐富。個人認為最impressive嘅係啡色嘅鵝肝味，餡料用上法國鵝肝，肉餡帶微微紅酒味，加入紅酒可以平衡鵝肝油份，味道濃而不膩。黑色嘅黑松露都好令人驚喜，餡料加入整片黑松露，而唔係黑松露醬，菌味濃郁。➤ 皇朝擔擔拉麵 ($65)麵底用咗幼麵，食落算幾有彈性，呢種麵掛湯力一流～ 花生味幾濃郁，配埋紅紅嘅辣油同埋滿滿嘅花生碎同埋蔥花，食落帶點微辣，香濃味美，但可能因為太濃，食多幾啖好快滯😂➤ 沙拉骨 ($128)排骨酥炸至金黃色，幾酥脆香口。表面裹上咗滿滿由蛋黃醬同煉奶調配煮成嘅沙律醬，食落酸酸甜甜幾開胃，送飯食一流。➤ 心太軟 ($63)呢客中式心太軟好有驚喜！佢係由去咗籽嘅紅棗包住煙韌軟糯嘅糯米，外皮再裹上一層薄薄嘅糖
呢間主打正宗上海菜嘅連鎖餐廳，佢地獨家首創嘅八色小籠包，相信有唔少人就算未食都聽講過。
➤ 皇朝小籠包 ($138)
食呢籠八色小籠包係要跟次序架～店家建議由淡味嘅開始食到濃味，由中間嘅原味小籠包開始，跟住就到綠色嘅糟溜絲瓜味，之後順時針方向食鵝肝、黑松露，芝士，蟹粉，蒜香，最後就係最重口味嘅川味。整體黎講，每個小籠包都做到皮薄餡靚，而且湯汁豐富。個人認為最impressive嘅係啡色嘅鵝肝味，餡料用上法國鵝肝，肉餡帶微微紅酒味，加入紅酒可以平衡鵝肝油份，味道濃而不膩。黑色嘅黑松露都好令人驚喜，餡料加入整片黑松露，而唔係黑松露醬，菌味濃郁。
➤ 皇朝擔擔拉麵 ($65)
麵底用咗幼麵，食落算幾有彈性，呢種麵掛湯力一流～ 花生味幾濃郁，配埋紅紅嘅辣油同埋滿滿嘅花生碎同埋蔥花，食落帶點微辣，香濃味美，但可能因為太濃，食多幾啖好快滯😂
➤ 沙拉骨 ($128)
排骨酥炸至金黃色，幾酥脆香口。表面裹上咗滿滿由蛋黃醬同煉奶調配煮成嘅沙律醬，食落酸酸甜甜幾開胃，送飯食一流。
➤ 心太軟 ($63)
呢客中式心太軟好有驚喜！佢係由去咗籽嘅紅棗包住煙韌軟糯嘅糯米，外皮再裹上一層薄薄嘅糖漿。咬落外脆內軟，口感豐富，味道香甜而不膩。而且紅棗補血養顏，好啱女仔食☺️
张贴
