豊勝手丼 (已結業)

呢排天氣超級熱，冇乜胃口唔想食熱野，梗係食日本嘢啦，又係喺銅鑼灣開飯，今次食久違咗好耐嘅丼🤤因為太耐冇食啦揀咗個特別啲嘅「九鼎丼」！應該係呢度嘅招牌菜。仲叫咗個日式沙律，柚子醬油醋汁甜甜酸酸好開胃，好肚餓話好期待我個丼😋朋友叫咗呢一個12件壽司仲勁12款唔同嘅味道仲有一條好長嘅燒鰻魚見到都流口水！有拖羅，赤身，𩶘魚，甜蝦，帶子，三文魚，油甘魚，左口魚邊，魷魚，海膽！！味道新鮮性價比好高。滿足晒我哋呢啲胃口又唔太大又想試晒咁多樣嘢嘅人。哈哈終於到我啦！九鼎丼顧名思義即係有九款唔同嘅丼，仲要有個好精緻嘅木盒上面有九格有九個玻璃杯好似九個迷你丼咁！有三文魚，海膽，油甘魚，𩶘魚，三文魚子，燒鰻魚，拖羅，仲有蟹肉同蟹膏！見到佢個飯少少啡啡地色已經係有味嘅飯勁好味😋比一般嘅壽司飯冇咁單調。