二鍋頭 (好運中心)

营业中

休息中

沙田區火鍋放題選擇唔多，有雞煲放題就更少，如果有十幾種煲任食再加轉湯底火鍋放題，相信呢間係唯一，5種口味雞煲，6種口味烤魚再新加酸菜魚，期間限定秘製牛雜煲，黑椒豬手煲同火焰牛尾煲，今次食3款煲。秘製牛雜煲🐂🐃🐄牛肺、牛蒡、牛肚、牛腸齊全加牛腩，先炆煮再爆炒，炆得入味唔過火，醬汁濃少少辣好惹味。🐔🐓🐚🐚辣酒東風螺雞煲辣酒煮嘅東風螺帶有酒香加入惹味雞煲，一次食到東風螺同雞煲兩種味道，雞件嫩滑的確係招牌。🐮🐮🐮秘製火焰牛尾煲店員即場炒加入玫瑰露酒點火，酒香即時揮發超級香，牛尾肉味相當重，加上酒香醬汁好夾，肉味濃有彈性。火鍋放題鴛鴦胡椒豬肚雞鍋加懷舊沙嗲鍋，等別欣賞係沙嗲，炒得好香用料足，食到一隻隻蝦皮。火鍋配料好豐富，有鮮蝦等多種海鮮，另有牛柏葉，豬大腸豬肚，蝦滑味鮮有彈性，自助區仲有海量蔬菜丸類可供自取，飲品雪糕都係任取任食，兩小時任食好滿足，如果唔夠可加60蚊升級無限時慢慢食。