二鍋頭 (好運中心)

如果你钟意香辣惹味又有层次感的鸡煲，辣酒东风螺鸡煲绝对值得一试！两小时内任食鸡煲，除此之外仲可以打边炉，仲可以免费转鸳鸯锅，佢地噶任食套餐性价比极高。👅辣酒东风螺鸡煲嫩滑多汁的鸡件，份量十足，有好多鸡翼鸡脾件，啖啖肉，鸡脚更有胶质，口感一流。东风螺吸晒辣酒汁，香辣入味，完全唔会「鞋口」。里面有好多芫茜、花椒、洋葱等，炒香后上枱，香气扑鼻。🧡除咗鸡煲，仲有其他煲类如黑椒猪手煲、火焰牛尾煲、酸菜鱼、人气烤鱼，最近新出左冬阴功口味，酸酸辣辣噶汤底特别提神醒胃！🧡最后仲可以打边炉，免费升级鸳鸯煲之余仲可以拣台式药膳排骨锅，过百种打边炉食材任点任食。今次拣左猪骨汤和越式牛肉汤，大大旧猪筒骨煲成奶白色汤底真的好足料！另外越式牛肉汤里面有多块靓牛，有浓厚的牛肉味，食唔够可以任点脂肪较低的牛板腱和嫩牛肉。我好欣赏佢地噶嫩牛肉，十分爽滑，牛味香！除此之外还有很多台湾特色肉丸，例如三星葱爆酱贡丸、香葱鱼羹、皮蛋红姜贡丸等，贡丸爱好者的天堂！！🧡仲有好多海鲜类可以选择，例如大大粒噶沙白，鲜味浓郁噶带子粒，爽口低脂噶水鱿鱼，鲜甜弹牙的虾。人均300蚊都唔使就有咁多野食，食足两小时，么都围番本了！🧡最后一定要试下本地名牌雪糕，豆腐味和港式奶茶味味道都很香浓！一次过满足晒两个胃。…查看更多

朋友推介话有间食牛杂煲又烤鱼又鸡煲又火锅放题嘅好地方，有无咁夸张呀？「二锅头」主打无限量任食煲同火锅，环境整洁，卡座大玻璃窗透阳光感觉舒服。我哋中午嚟食仲有八折，任饮任食两个钟，$245/一位，可以食足六款煲同埋打边炉超抵食。◉ 牛杂煲烤鱼鸡煲火锅放题套餐首先有六款煲俾你拣：牛杂煲、牛尾煲、猪手煲、酸菜鱼、五款口味嘅鸡煲同六款口味嘅烤鱼，有本事你可以全部食晒，仲可以无限任食，真心啱晒大胃王。想试晒咁多个煲，都应该系要有啲策略，今次试唔晒，下次要再嚟食过。❶ 秘制牛杂煲首先一定试吓个牛杂煲，为咗可以试多啲，我决定叫半份，要小辣。上枱后仲煲住食，热辣辣咋咋声，酱汁味道好浓郁，牛杂炆得入味，牛肠、牛肚好腍，太惹味好快就已经食晒，够姜你系可以无限添加。❷ 黑椒猪手煲第二款煲都系叫半份，通常呢款猪脚仔都系配搭梅子或者南乳，我都系第一次食用黑椒汁去炆，味道比预期出色，黑椒味浓，猪脚仔炆得好腍，每件都有皮有肉有骨，我觉得比起食猪手嘅皮更加满足，因为皮比例多，啖啖都满满胶质。❸ 烤鱼第三款煲我哋试烤鱼，有六款口味：麻辣、香辣、酸辣、酱香、番茄同冬阴功，简直选择困难症，最后要香辣味，可自选辣嘅程度，味道香又唔会辣到食唔到，选用原条清江鱼，鱼肉紧实又弹，一路煲住一路食，依然保持形态无话煲到烂晒，肉质又唔会好老，铺满辣椒、蒜蓉、莴笋、鲜云耳、豆皮面，仲有豆卜可以吸汤。❹ 火锅食到咁上下就可以转汤底打边炉，可以免费升级鸳鸯锅，我哋就拣咗台式药炖排骨汤底，渌嘢前先饮啖汤，好重药膳味，汤料排骨份量都唔少。肉类、海鲜QR code落单，多款火锅配料、酱料、汽水同甜品都系自助形式。๑牛板腱～油花分布均匀，唔好渌太耐，柔软牛味浓，无限任食encore之选，亦可加钱升级和牛套餐。๑ 打边炉点可以唔食呢三宝：响铃、炸鱼皮、生根，脆口又索汤。๑配料~枝竹、炸芋头、年糕、蟹棒、芝士肠⋯⋯多款丸类，有款皮蛋红姜贡丸几特别。๑蔬菜~唐生菜、娃娃菜、西洋菜、冬菇、鲜淮山⋯⋯๑面~韩国即食面、出前一丁。๑酱料~生蒜、炸蒜、干葱⋯⋯供客人自助混酱。๑雪柜有啤酒，放满唔同汽水同茶类，雪糕、雪条全部任食，雪糕系Coco berry。#二锅头地址：沙田横壆街1-15号好运中心3楼3109及3110号舖…查看更多

【🍲沙田「二锅头」必试！6款热辣煲物+火锅放题无限任食】 咩天气都好❄️，最紧要暖胃又暖心！沙田好运中心嘅「二锅头」推出超抵玩任食套餐，1个价钱即可无限轮住试匀6款人气煲物，食完仲可以转战火锅，啱晒大胃王～ 🔥 **必试亮点** ✔️ **火焰牛尾煲**（淋酒点火超震撼） ✔️ **鲈鱼酸菜煲**（无骨嫩滑+酸香汤底） ✔️ **5款爆款鸡煲**（重庆麻辣/泰式冬荫等） ✔️ 新增冬荫功烤鱼煲&秘制牛杂煲 📍 **点餐攻略** 1️⃣ 先选2款主煲（可无限续加） 2️⃣ 用剩余汤底打边炉 3️⃣ 扫荡自助区：牛板键/手打丸/时蔬 4️⃣ 叹埋港产雪糕作结 💬 大赞：「牛尾炆到骨肉分离！」「酸菜鱼汤底饮到见底～」 📌 沙田好运中心商场 ⏰ 建议预约去，周末爆满要等位 💰 $200-300/位（视套餐时段） **同场加映**：新推「双乳鸡煲」咸香过瘾，腐乳控必mark！ > 小贴士：用酸菜鱼汤底灼肥牛，鲜味即刻提升3个level～ #性价比之王 #沙田美食地图 #火锅控必收藏…查看更多

今日出咗去沙田一田买特价货，拎住战利品去咗好运中心的二锅头，劲食平靓正的火锅放题套餐。无限量任食牛杂煲和烤鱼，仲有鸡煲任食，最后打边炉，仲抵食过返深圳。餐厅装修风格时尚舒适，灯光柔和，营造出温馨的用餐环境。「滋味无限」套餐二锅头三宝二锅头惹味鸡煲香浓黑椒猪手煲秘制火焰牛尾煲虽然任食，但我哋胃口有限，所以都系拣咗最钟意食嘅鸡煲，仲有新口味：重庆麻辣鸡煲辣酒东风螺鸡煲泰式冬阴功鸡煲酱香惹味鸡煲双乳鸡煲（咸牛乳、腐乳）试新嘢叫咗辣酒东风螺鸡煲，色彩鲜艳，冒著热气，东风螺让人垂涎欲滴。无限量的鸡煲，口感滑嫩，味道浓郁，辣酒东风螺鲜香，各种香料各具特色相。任食烤鱼/酸菜鱼/牛杂煲最后选了最喜欢的烤鱼，清江鱼可以有几种唔同嘅煮法：麻辣味香辣味酸辣味冬阴功酱香味蕃茄汤摆盘非常精致，鱼身金黄酥脆，配上新鲜的蔬菜，视觉上十分诱人。清江鱼鲜嫩的肉质，细腻的口感，今晚尝试了以冬阴功味来烤制清江鱼，带来了一场味蕾的盛宴。酸、辣、香的完美结合，香茅、南姜和柠檬叶的搭配，增添了鱼的香气，提升了清新感。鱼肉吸收了所有的滋味，鱼皮微微焦脆，内里却依然保持著鲜嫩的口感。外脆内嫩，冬阴功的酸辣味道恰到好处，不会盖过鱼肉的鲜味。免费汤底：鸳鸯汤底越式香浓牛肉锅+怀旧沙嗲锅特别是新增的越式香浓牛肉锅让人惊喜，酸辣适中，香味浓烈，少少辣得过瘾，让人回味无穷。任食超过100款火锅配料整体火锅配料的质素相当高，食材新鲜，特别是活海虾、活海蚬、牛板腱、鲜虾云吞、凤城水饺、墨鱼滑。配搭秘制汤底，层次感丰富，味道也十分出色。…查看更多

一入到去有个女人黑晒面已经唔想食，又串又好似全世界都对佢唔住咁，唔系该有嘅态度😅😅安排咗一张又迫又焗嘅枱，我哋提出要换枱，条友黑晒面咁样话𠮶张枱系俾多人，两张都系四人枱，我哋三个人食，张枱到我哋走咗都冇人嚟过。 食物种类少，又要唔新鲜。牛肉结晒冰，要喺个盘度刮落嚟。图文不符（见图一），完全唔系和牛嘅味道同埋样。 环境好焗好热，好似完全冇开过冷气咁。 总括而言，我哋叫嘅餐系$188，啲和牛系冰鲜嘅，完全未解冻，牛板腱勉强可以。卫生冇问题，但系服务同埋环境极差。大伏，唔推荐。…查看更多