影片
更多
2022-10-29
390 浏览
香港牛舌專門店初體驗❤️路經深水埗，見到門口日式裝修，加上有啲人排隊，立即望下係咩黎，原來係新開嘅牛舌專門店，基於平時燒肉都鍾意食牛舌🐮👅 咁又試下啦！✨ 鐵板牛舌芯 轉套餐 升級滿溢牛舌筋溫泉蛋丼 加司華力腸 ($128 + $28 + $10 + $10)牛舌芯原條上，要自己切開又厚又嫩，咬落口完全唔似平時食燒肉嗰啲牛舌，大過口癮！✨ 鐵板安格斯牛板腱 配牛舌尖 轉套餐 升級飯 ($98 + $28 +$10)因為本身都鍾意食牛板腱，咁樣又可以試埋牛舌尖，why not?第一次上時，感覺明顯overcook，難切難咬難嚼，即時同店員反映，店員都即時收翻，再整過一份俾我🥺 再嚟新一份嘅時候，感覺就合乎水準，牛板腱同牛舌尖剛好熟，牛板腱就唔講多，牛舌尖比起牛舌芯薄，但食落同樣出色，嫩滑有口感🥺❤️btw 值得一讚係牛舌筋飯，本身加一隻溫泉蛋都$10，所以而家根本就係加蛋送牛舌筋嘅概念🤣 牛舌筋超軟淋，又唔死咸，加埋溫泉蛋撈飯實在係perfect不過值得留意係舖頭比較細，排隊需要一啲耐性，12點開門，我哋12點45右右開始排，排咗半個鐘，order完應該都等咗20分鐘😢 爭點餓死寶寶了，而一
路經深水埗，見到門口日式裝修，加上有啲人排隊，立即望下係咩黎，原來係新開嘅牛舌專門店，基於平時燒肉都鍾意食牛舌🐮👅 咁又試下啦！
✨ 鐵板牛舌芯 轉套餐 升級滿溢牛舌筋溫泉蛋丼 加司華力腸 ($128 + $28 + $10 + $10)
牛舌芯原條上，要自己切開
又厚又嫩，咬落口完全唔似平時食燒肉嗰啲牛舌，大過口癮！
✨ 鐵板安格斯牛板腱 配牛舌尖 轉套餐 升級飯 ($98 + $28 +$10)
因為本身都鍾意食牛板腱，咁樣又可以試埋牛舌尖，why not?
第一次上時，感覺明顯overcook，難切難咬難嚼，即時同店員反映，店員都即時收翻，再整過一份俾我🥺 再嚟新一份嘅時候，感覺就合乎水準，牛板腱同牛舌尖剛好熟，牛板腱就唔講多，牛舌尖比起牛舌芯薄，但食落同樣出色，嫩滑有口感🥺❤️
btw 值得一讚係牛舌筋飯，本身加一隻溫泉蛋都$10，所以而家根本就係加蛋送牛舌筋嘅概念🤣 牛舌筋超軟淋，又唔死咸，加埋溫泉蛋撈飯實在係perfect
不過值得留意係舖頭比較細，排隊需要一啲耐性，12點開門，我哋12點45右右開始排，排咗半個鐘，order完應該都等咗20分鐘😢 爭點餓死寶寶了，而一直出邊都仲有人排緊隊😂 所以大家如果真係好肚餓，就要留意啦!
📍 牛舌專門店 (深水埗)
🏠 深水埗桂林街46B號地舖
张贴
