潮興隆

营业中

休息中

銅鑼灣新開的潮式小店，有比較少有的崩沙腩河（$63）一碗件數唔少 不過可惜唔係件件都係完美的三層肉崩沙腩 雖然食落去味道好足夠濃；而招牌牛腩河（$48）一點都唔柴豹晒滑嫩呢個價錢性價比好高～另外仲叫左其他小食例如普寧豆腐小食（$38）第一次食普寧豆腐入面軟到好似炸鮮奶 同以前食過比較似豆腐質感既唔同呢個好滑入口即溶！潮式煎蠔餅（$78） 定價唔算貴一客有四大件 蠔仔鮮味十足 可惜麵粉有點兒太多 食落唔夠彈牙。而另外兩款小食就幾抵食，韭菜粿小食（$28）熱辣辣韭菜味好香，而虎皮豬手小食（$28）就燜得好軟淋 不過醬汁偏酸唔夠鹹香。