牛極 (樂聲大廈)

营业中

休息中

今日早左收工，天氣又好，就約朋友行街食飯，黎到銅鑼灣比我地發現左呢間餐廳，港九都有好多分店，呢間鋪面唔算大，但係都好多人黎，服務員熱情既招待好快就坐底左。首先呢道係半自助餐，沙律同牛肉湯係自助任飲任食。沙律非常新鮮，有醬做配料感覺特別開胃。再試咪個牛肉湯真係無得輸，用好多上等牛肉經過高溫熬製而成，非常濃郁，牛肉入口即溶。我個人都飲左兩碗。最後我就選左牛柳，肉汁鮮嫩，呢道既牛既食法非常特別，放上桌只有1成熟，可以用石板既熱力黎調教自己鐘意食既幾成熟，我個人就喜愛7成熟，肉汁係最鮮嫩，入口即溶，非常新鮮。重有啲調味料可供選擇，我就加左啲黑胡椒，味道提升不少，再點咪啲燒汁一齊食，真係非常好味。