影片
更多
2025-03-05
102 浏览
餐廳：牛大人台灣火鍋吃到飽 (觀塘)地址：觀塘開源道79號鱷魚恤中心5樓第一次嚟觀塘鱷魚恤中心嘅牛大人 食火鍋放題🐮，而食同一樣嘅嘢，我梗喺鍾意用最抵嘅價錢去食😎，今次我就食咗佢哋最貴嘅120分鐘日本黑毛和牛A4+火鍋放題套餐，夜晚7:30pm前離座承惠早鳥優惠$448，計埋加一埋單唔超過$500，咁究竟呢個價錢算唔算抵食呢？睇晒落去就會揭曉🤪適逢啱啱過咗情人節💗，觀塘分店門口有一幅大型嘅打卡位未拆，除咗一棵掛滿粉紅心心嘅樹之外，仲有同KitKat合作嘅脆皮雪糕批Poster，紅色背景相當搶眼😍。5:00pm嚟度已經有10幾人喺度排緊隊等入座，揀完套餐就入座揀埋鍋底，喺十個選擇入面要咗鮮香開胃嘅台灣濃香番茄鍋🍅，打邊爐就最啱所揀嘅A4+和牛套餐先送每人兩粒澳洲M9和牛牛丸同海鮮拼盤，和牛牛丸真喺食過當中數一數二嘅，除咗咬落多汁仲充滿濃郁牛羶香🧆，一試難忘🤤；海鮮拼盤就有生蠔🦪、小龍蝦🦞、鮑魚同扇貝，海鮮整體新鮮，唯獨生蠔有少少沙石🤏，當中不得不提嘅喺可以任食台灣師傅研發嘅4款唔同口味鮑魚，包括炭燒鹽蔥、柚子燒汁、古法醉鮑魚同鮮甜鮑魚，而我自己就最鍾意煮完都依然充滿花雕酒香嘅醉鮑魚😋講到
地址：觀塘開源道79號鱷魚恤中心5樓
第一次嚟觀塘鱷魚恤中心嘅牛大人 食火鍋放題🐮，而食同一樣嘅嘢，我梗喺鍾意用最抵嘅價錢去食😎，
今次我就食咗佢哋最貴嘅120分鐘日本黑毛和牛A4+火鍋放題套餐，
夜晚7:30pm前離座承惠早鳥優惠$448，計埋加一埋單唔超過$500，咁究竟呢個價錢算唔算抵食呢？睇晒落去就會揭曉🤪適逢啱啱過咗情人節💗，觀塘分店門口有一幅大型嘅打卡位未拆，除咗一棵掛滿粉紅心心嘅樹之外，仲有同KitKat合作嘅脆皮雪糕批Poster，紅色背景相當搶眼😍。5:00pm嚟度已經有10幾人喺度排緊隊等入座，揀完套餐就入座揀埋鍋底，喺十個選擇入面要咗鮮香開胃嘅台灣濃香番茄鍋🍅，打邊爐就最啱
所揀嘅A4+和牛套餐先送每人兩粒澳洲M9和牛牛丸同海鮮拼盤，和牛牛丸真喺食過當中數一數二嘅，除咗咬落多汁仲充滿濃郁牛羶香🧆，一試難忘🤤；海鮮拼盤就有生蠔🦪、小龍蝦🦞、鮑魚同扇貝，海鮮整體新鮮，唯獨生蠔有少少沙石🤏，當中不得不提嘅喺可以任食台灣師傅研發嘅4款唔同口味鮑魚，
包括炭燒鹽蔥、柚子燒汁、古法醉鮑魚同鮮甜鮑魚，而我自己就最鍾意煮完都依然充滿花雕酒香嘅醉鮑魚😋
講到呢個套餐嘅特色又點少得A4級以上日本黑毛和牛，每次可以點半份或者一份，
每片牛肉嘅油花都均勻細緻，個人認為淥8至10秒最好食，入口雖然未至於即溶但綿密軟嫩嘅口感確實令人食唔停口🤩；
而鍾意食豚肉嘅人就緊喺要食埋伊比利亞黑毛豬梅肉，望落脂肪比例好似好多，但食落豚肉香都幾突出而且唔會好油膩，爽口煙韌嘅肉質喺其中一個特色🐷唔好唔記得餐廳仲有接近100款台灣美食同火鍋配料俾你任飲任食，
特色小食例如BB辣雞軟骨、真豬小香腸，同埋火鍋配料例如口感豐富嘅蟹籽墨汁漿🐙、
第一次見嘅瓜子雞水餃🥟、手工川丸子都值得一試👏，款式簡直多到試唔晒！另外唔少得飲埋佢哋自己沖調嘅冷泡茶同珍珠奶茶🧋，
甜品就必食KitKat脆皮雪糕批同Mövenpick雪糕，而鍾意邊飲啤酒邊打邊爐嘅你，不妨加少少錢飲埋少爺生啤($58)同埋Sapporo啤酒🍻
张贴
