影片
更多
2024-06-02
102 浏览
朋友放工遲咗，出到尖沙咀已經係八點幾，於是朋友就帶咗我去一間居酒屋當食宵夜。入到去已經聞到一陣海鮮燒烤味，再見到好有日本居酒屋嘅裝修，就好似置身喺日本海邊嘅磯燒屋一樣。見到每一台都有嗌唔同嘅海鮮，仲有店員幫佢燒埋，令我有啲期待呢一餐。見到魚池有唔同嘅海鮮，每一隻鮑魚都十分大隻。入座嘅時候大概係八點半，都以為之後冇乜人，但過咗15分鐘之後全場已經坐滿。燒烤方面，就叫咗個焱丸活貝大盛，黑松露蟹肉甲羅燒。前菜方面就叫咗個三文魚冷麵，特成A4和牛壽司同吉列帆立貝。飲品就叫咗一個梅乾燒酎同巨峰提子乳酸。話咁快店員已經將燒烤嘅海鮮拎上嚟，甲羅燒見到有唔同嘅材料，有蟹肉，蟹膏，蔥，蟹籽同鵪鶉蛋之外，仲有好大份嘅黑松露醬。見到咁色彩繽紛已經覺得好吸引海鮮拼盤就分別有蜆，生蠔，帆立貝同鮑魚，鮑魚新鮮到見到佢上枱嘅時候都仲郁緊。之後飲品都已經到啦，巨峰乳酸同酒都有啤酒杯嘅size，性價比好高，朋友話杯燒酒都有豐富嘅梅味，酒味唔會話勁到好似喉嚨被火燒咁樣，比較易入口的。而巨峰乳酸嘅乳酸味相對上會濃一啲，甜度都適中，唔會過甜。當店員開始幫我哋燒嘅時候，前菜就到咗等我哋唔使等太耐。而且店員亦都會定時返嚟檢查吓食
燒烤方面，就叫咗個焱丸活貝大盛，黑松露蟹肉甲羅燒。前菜方面就叫咗個三文魚冷麵，特成A4和牛壽司同吉列帆立貝。飲品就叫咗一個梅乾燒酎同巨峰提子乳酸。話咁快店員已經將燒烤嘅海鮮拎上嚟，甲羅燒見到有唔同嘅材料，有蟹肉，蟹膏，蔥，蟹籽同鵪鶉蛋之外，仲有好大份嘅黑松露醬。見到咁色彩繽紛已經覺得好吸引海鮮拼盤就分別有蜆，生蠔，帆立貝同鮑魚，鮑魚新鮮到見到佢上枱嘅時候都仲郁緊。
之後飲品都已經到啦，巨峰乳酸同酒都有啤酒杯嘅size，性價比好高，朋友話杯燒酒都有豐富嘅梅味，酒味唔會話勁到好似喉嚨被火燒咁樣，比較易入口的。而巨峰乳酸嘅乳酸味相對上會濃一啲，甜度都適中，唔會過甜。
當店員開始幫我哋燒嘅時候，前菜就到咗等我哋唔使等太耐。而且店員亦都會定時返嚟檢查吓食物，等佢唔會有過熟嘅情況。首先係三文魚麵，配料除咗有鵪鶉蛋之外都有蔥，仲有金箔喺上面做裝飾。三文魚麵用筷子晾起咗，等我哋容易啲拎起佢，三文魚色澤鮮明，配上蕎麥麵汁可以帶起三文魚油潤嘅口感。加咗鵪鶉蛋就可以令三文魚食落更加滑溜，蔥花就令到三文魚有爽脆嘅口感。
食完之後就到咗和牛壽司，一上菜嘅時候以為可以即刻食，見到牛扒差唔多有成隻碟咁大，仲有好靚嘅油花紋，店完就話等一陣就會有店員幫我哋燒一燒塊牛扒。店員用火槍燒一燒之後再放佢哋調配好嘅醬汁，之後再燒多次，之後就可以食用啦。同朋友分開每人半塊牛扒都好大塊。將牛扒包上亦配備好嘅蛋黃同黑松露，食落去真係有一口即溶嘅感覺，一聲已經落咗喉嚨度，由入口牛油嘅香味，再加上嫩滑嘅質感，然後有黑松露嘅回甘，幾個層次用合埋一齊覺得好滿足。
甲羅燒都啱啱已經燒好咗， 一上菜蟹膏嘅香味已經撲鼻而來。 店員放上青瓜絲，叫我哋撈埋嚟食。用匙羹畢起，見到滿佈蟹籽同黑松露嘅蟹膏。咬落去，濃縮咗嘅蟹膏味喺口腔噴發，蟹膏一啲都唔腥，同其他配料配合得好好，有青瓜絲點綴口感，同可以平衡返蟹膏嘅膩。成個甲羅燒份量好多，唔會話食到唔夠喉。
之後開始到海鮮拼盤，首先係生蠔，生蠔燒完之後亦都唔會話太縮水，而且店員掌握火喉好好，生蠔燒完嘅時候亦都好水潤，唔會變得太乾，咬落去蠔肚仍然係十分嫩滑。生蠔相對爽口，蠔味好重，飲埋佢留喺殼上面嘅精華，成件事又變得昇華咗。之後到鮑魚，店完亦都係火喉燒得好好，一邊有佢嘅焦香，另一邊可以保持返鮑魚嘅嫩滑，咬落去十分彈牙，證明真係好新鮮。鮑魚嘅裙邊亦帶有焦香。要一讚員工佢哋非常之貼心喺燒嘅過程已經會將連接貝殼嘅肉切開，所以我哋一用筷子已經可以夾嚟食。之後到蜆，蜆肉亦都係十分飽滿，唔會好乾，當飲下蜆入面嘅精華水嘅時候，猶如將海水帶入口中。之後係到帆立貝，店員一早已經用枱上面唔同嘅調味料進行調味，所以其實上枱後已經唔需要再另外調味，食落去有甜醬油嘅味道，帶出帆立貝嘅鮮甜，而且店員已經將帆立貝唔同嘅部位分開好，好讓我可以全方位品嚐帆立貝，每一個部位都有唔同嘅口感例如裙邊係爽口，帆立貝肉非常嫩滑。佢嘅精華水係醬油甜中帶微鹹，有唔同嘅層次。
最後係吉列帆立貝，帆立貝用紫菜包好，再配上炸漿。 炸皮唔會太厚啱啱好，帶微微酥脆嘅口感，做到外脆內嫩。 外面因為有炸過所以稍為濃縮咗帆立貝嘅味道，可見師傅有一定功力。無論熟食還是凍食，都有唔錯嘅質素，下次一定會再嚟食唔同嘅燒海鮮。
张贴
