幸屋

這間灣仔小巷拉麵店環境好舒服！樓底高空間感足，掛滿日式燈籠同木系裝修，坐低未食已經覺得放鬆～主打拉麵價錢親民，$80-$100有交易，仲有多款即炸小食選擇。


鹿兒島赤雞沾麵
湯底係濃厚雞白湯，飲落膠質豐富。特別配搭南天製麵嘅手工粗麵，麵條質素高掛湯能力超強，每啖都食到濃郁雞香。慢煮鹿兒島赤雞好嫩滑，有足足四大片，份量好慷慨！


胡麻王豚骨拉麵
黑芝麻香氣撲鼻，湯底將豚骨同烘焙過嘅芝麻完美融合，香濃唔膩。配料有炙燒腩肉同叉燒各一片，仲有筍乾、紫菜，跟足一隻流心糖心蛋，滿足感爆棚。


套餐配一份小食同埋飲品
▪️ 炸雞：即叫即炸，外脆內嫩，肉汁鎖得不錯
▪️ 吉列炸蠔：蠔肉飽滿，幾有鮮味，炸漿薄脆