幸屋

📍Weichang Building, No. 5-9A, Jilison Street, Wan Chai 灣仔機利臣街5-9A號維昌大廈地舖---在灣仔的街角，Yuki House Ramen 幸屋以細膩的湯頭與日式風味打動食客。• Golden Samurai Tonkotsu Ramen 魚介豚骨沾麵 $98濃郁魚介豚骨湯底，麵條彈牙，沾麵香氣滿分。• Sakura Shrimp Miso Ramen 樱花蝦味噌拉麵 $88樱花蝦的鮮香與味噌的厚度交織，層次豐富。• Japanese-style Dumpling 和風餃子 $38外脆內嫩，佐醬更添滋味。• Sapporo 生啤 $48冰爽清新，與拉麵絕配。✨ Summary🍜 Rich Tonkotsu Ramen｜🦐 Fragrant Sakura Shrimp｜🥟 Crispy Dumplings｜🍺 Refreshing Draft BeerOne bowl of ramen, one bite of dumpling, one sip of beer—simple yet blissful. Yuki House is worth a try!…查看更多

喺灣仔做完嘢，知道附近有間拉麵店，一於入去返碗先。拉麵店環境舒適，坐得舒服。有拉麵有沾麵，一於同同事各叫一碗。🍜 櫻花蝦味噌拉麵一上枱就俾成座「櫻花蝦山」震撼到！湯底用赤味噌混蝦頭熬煮，橙紅色湯汁稠到掛匙！麵條咬落彈牙有麥香，最正係雙豚肉叉燒，厚切腩肉慢煮到入口即化，薄切肩胛肉炙燒到焦邊脆口，夾埋流心蛋黃同脆口木耳絲，非常滋味。🫕 魚介豚骨沾麵經常出現的話題，拉麵vs沾麵，倒不如各點一款比較一下。沾麵湯底稠到可以掛企匙羹，魚介嘅煙燻香撞豚骨嘅膠質。而沾麵底屬粗麵，冰鎮過上枱，咬落非常Q彈，夾一束浸落熱辣辣湯汁3秒——掛汁力爆燈！另外，配料嘅慢煮叉燒腍到離譜，糖心蛋流汁撈湯更邪惡。🥢 小食- 冷豆腐：凍豆腐淋鰹魚汁，面頭灑上木魚花，夾埋青瓜絲同蔥花，非常清新。- 芝士年糕：流心芝士湧出嚟！外糯內流心嘅雙重口感，記住趁熱食，凍咗會變芝士橡膠波㗎！後感：食幸屋，真幸福。…查看更多

在灣仔見到間舖頭門口掛住幾盞紅燈籠好有和風風情，就入去試下，真係有驚喜喎！🍜 元貝鮮魚卵雞白拉麵 湯底係奶白色，飲落去超creamy！最正係大大隻嘅元貝，煎到啱啱好，仲好鮮甜。仲有啲鮮魚卵，撈落湯度食，啲魚卵係口裡面爆開，卜卜聲咁，好過癮！仲有酥脆的牛蒡幹、溫泉蛋和紫菜，成個配搭又鮮又濃，正！🍜 黑蒜濃厚山藥豚骨拉麵超濃郁豚骨湯底，加埋黑蒜油，香到不得了。兩大塊巴掌大的豚肉好美味！最特別係加咗山藥落去，飲完成個口都係果種綿滑嘅感覺，成個人都暖笠笠，好補咁！🥟 和風餃子全部餃子上邊鋪了一層酥蓋，好特別又好味！個底煎到金黃色，脆卜卜，咬落去仲有肉汁爆出嚟，加了獨特的醬真是一流！🍢 關東煮 湯底都好清甜，蘿蔔煮到好淋，仲有好多福袋同魚片！…查看更多

拉麵店門面設計相當有日式傳統特色。一眼已望見到幾個紅燈籠🏮，仲貼滿很多跟餐牌有關的食物圖片。 店內位置唔多共十張枱左右， 分成了兩邊單人吧位及方枱。 以下是跟友人點選的食物：✨期間限定💥 🐔帶子鏗魚湯赤雞胸拉麵🍜先講賣相已經夠哂吸睛👀整碗麵食材相當豐富滿佈哂整碗麵當中包括有：（溏心蛋、帶子、雞胸、海帶、紫洋蔥、荀、木耳、鏗魚、檸檬片、紫菜，蔥）食拉麵第一時間當然呷啖湯先啦😬。其味道是偏濃的鏗魚味，大大粒的帶子味道鮮甜吸入湯汁一齊食味道唔錯，赤雞胸肉肉質唔鞋口，淡淡雞味跟配料一齊食好夾，另外不得不讚溫泉蛋的處理做得唔錯，真係做到流心的效果令整碗拉麵加不少分🔥。拉麵份量適中，食完唔會過飽。麵質方面處理得唔錯唔會過韌及過硬，每啖都做到掛湯的效果。🐷黑蒜濃厚山藥豚骨拉麵🍜（溏心蛋、椰菜、豚肉、紫菜、蔥，炸蒜）最近大熱的山藥拉麵估唔到這裡都有得食。山藥富含膳食纖維和多種維生素，能健脾益胃、助消化為拉麵增添獨特的順滑口感。 當然黑蒜也是湯底的靈魂之一，製成黑蒜油後加入豚骨湯中，散發出炭烤蒜香，使湯頭更添香醇風味。既然湯底都已經這樣吸引配上任何食材都唔會差吧！尤其配上豚肉效果相當出色，有入口即溶的效果。🍢關東煮 日式小食點少得關東煮，食拉麵前先食幾件都幾特別。白蘿蔔充分吸收湯汁後非常美味。另外仲有魚豆腐和不同款式的魚漿製品（圓形、片狀和方型）口感鬆軟吃起來比口感比一般魚漿製品還要軟。🐔和風炸雞一客四件的炸雞配上蔥花沙律醬咬開外脆內軟肉汁又多味道相當香口惹味。🍵日式煎茶食完拉麵後喝上煎茶既解膩又解渴。…查看更多

記得幾年前已到訪過，一天經過看見門口餐牌，發現完全一直都沒有加價，依舊抵食😲位於灣仔，晚餐時段，大大碗的熱辣辣拉麵只需$78起，無加一服務費，還配免費熱茶! 小店經營，老闆(?)友善熱情 ✿ 櫻花蝦味噌拉麵 $88✿ 黑蒜濃厚山藥豚骨拉麵 $88兩者湯底味道突出，質感厚薄適中，麵條掛湯輕鬆兩者之中，蝦湯更出色 (如果黑蒜款可以加入完整黑蒜作配料相信更滿足ʕ•ٹ•ʔ) 溏心蛋高質；叉燒和豚角煮味道質感都好吃，唯肥肉部分略多 ✿ 關東煮 $38性價比不錯，蘿蔔尤其入味清甜，還附跟拉麵中一樣高質的溏心蛋😆✿ 冷豆腐 $32甜醬油基地，青瓜絲topping，健康好味之選😌 🍴加一服務費：✖️ …查看更多

🎀灣仔。日本特色裝修拉麵店🍜🎀🪄店名* #幸屋🔮地址* 灣仔機利臣街5-9A號維昌大廈地舖 🔮🗾分店地區🗾 沒有分店💰價錢$272 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_灣仔剩系食呢一類👉食物類型搜尋🔍🍜#pickyme_日本菜➖➖➖➖➖➖➖➖➖➖➖➖➖🎵餐廳環境🎵餐廳位於灣仔機利臣街，裝修充滿濃厚日本風情。店外掛上寫有「博多豚骨」的紅燈籠，店內貼滿日本海報，木系裝潢搭配大量日式裝飾，令人恍如置身日本地道居酒屋。餐廳樓底高，空間感十足，設有吧台座位和四方桌，環境舒適開揚。🍽️食物質素🍽️被譽為灣仔隱世拉麵店，由擁有23年日式料理經驗的老闆主理。店家堅持以十多小時熬煮出乳白色的豚骨湯底，濃郁醇厚。招牌菜包括蝦汁帆立貝沾麵以及黑蒜濃厚豚骨拉麵。👀評分💖💖💖💖🪄魚介豚骨沾麵 配炸餃子 $126這款沾麵適合喜歡濃郁口味的人。沾麵湯與麵條分開盛裝，湯底濃厚但不膩口，魚介和豚骨的風味平衡。粗身麵條口感彈牙，搭配的豚肉厚度適中。隨附的炸餃子外皮酥脆，內餡保持多汁，整體搭配不錯。👀評分💖💖💖💖🪄鹽味黑松露元貝拉麵 吉列炸蠔 $146若偏好清爽口味，可以嘗試這款拉麵。湯底帶著黑松露香氣，味道清雅。幼身麵條能充分吸附湯汁，兩顆元貝口感不錯。加入的檸檬和車厘茄適度減輕了膩感。搭配的吉列炸蠔外層酥脆，內裡保持嫩滑，是不錯的配搭。(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋🎈環境質素*🎇🎇🎇🎇🎇🎈抵食程度*💰💰💰💰🎈服務態度*💌💌💌💌💌…查看更多

【🍜幸屋｜🥟自家製餃子🦪高質廣島蠔拉麵小店】.灣仔周圍都有好野食，「幸屋」蠔麵一直有口碑，我喜歡他們熱辣辣的沾麵，又喜歡他們巨大隻的廣島蠔，充滿驚喜的味道！./味噌廣島蠔雞湯拉麵港島蠔肥美大隻，非常鮮甜，與雞湯味好夾，配有兩片雞胸肉、洋蔥與筍絲、糖心蛋，唧上檸檬汁更帶出鮮味，好味印象深刻！./魚介豚骨豬沾麵石鍋沾麵湯滾熱辣，豚肉調味入味，配有筍絲、木耳絲、糖心蛋、洋蔥椰菜絲，同樣可以唧入檸檬汁，加入熱湯中食，又可以將湯放入麵碗中變湯麵食，食法更具層次。./冷豆腐醒胃小食，西芹絲木魚絲，豆腐量多，足夠二人同行一齊食。./自家製煎餃子煎出黃金雪花煎餃驚喜，餃子味道可口，餃子底脆脆爽口，加入枱上不同調味自製一個餃子汁，更加好味。.…查看更多

今晚經過灣仔，發現一間高質日式居酒屋，隱藏於街市小巷內，門口和店內掛滿紅色日式燈籠，樓底高空間感足，環境乾淨舒適，同朋友食飯感覺似置身日本深宵食堂。家庭式經營，感受到食物用心，店長友善和人情味。櫻花蝦味噌拉麵：湯底以味噌和蝦頭熬製，呈橙紅色，頂層鋪滿櫻花蝦，香氣撲鼻，軟滑的拉麵掛滿湯汁，味道鹹香鮮美。厚切五花腩軟腍入口即化，薄切豚肉更加軟嫩，啖啖肉啖啖的滿足感。流心蛋蛋味香濃，搭配爽脆的木耳絲，配料口感都非常豐富，性價比高。日本黑豚丼：黑豚肉片肌間脂肪豐富，經炙燒，外層焦香，肉味香甜，脂肪清爽不膩，飯和豚肉以甜甜的醬汁調味，搭配爽甜椰菜、蔥花、流心蛋，同樣用料上乘高質，清爽美味。炸雞/炸蠔：外脆內軟，香脆不油膩。…查看更多

灣仔有個小小嘅花墟全年大概只有新年最矚目但花紅草綠四季如是令短短巷弄特別醒目拉麵大概都一樣春夏秋冬都有癮沿賣花嘅排檔向前行就有一間大門掛著大紅燈籠嘅拉麵店與周遭氣氛有點違和但亦因為咁變得更搶眼餐廳牆上掛滿電影海報餐牌亦可以直接可見拉麵、沾麵與幾款小食以拉麵店而言款式同口味都算幾多元化直覺拉麵應該比較貼近大眾口味非過江龍亦冇大師級背景係一間挺有鄰里感嘅拉麵店實而不華嗰隻當日嗌咗兩款 — 黑蒜濃厚山藥豚骨拉麵 湯底黑蒜味溫和豚骨香但唔膩帶子鰹魚湯赤雞胸拉麵— 貫徹鰹魚湯嘅清淡感雞胸唔錯，夠嫩！冷豆腐 & 芝士年糕口痕痕追加嘅小食正常發揮…查看更多

今日經過灣仔見到一間日式料理，於是忍唔住想入去試一試係咪真係咁好食！帶子鰹魚湯赤雞胸拉麵個湯底真係不得了，一上枱已經聞到陣陣鰹魚香，飲落去清得嚟又夠鮮甜，完全唔會覺得油膩。最驚喜係個赤雞胸，平時驚佢嚡口，但呢度整得幾滑，仲要好入味，成碗麵食落好舒服，清清爽爽但又唔失味道。黑蒜濃厚山藥豚骨拉麵鍾意濃味嘅你一定唔可以錯過！個黑蒜油香到呢～一上枱已經聞到陣陣蒜香，飲啖湯，豚骨嘅濃郁同黑蒜嘅香味真係夾到絕！山藥打成蓉溶咗落湯度，令到個口感更加滑溜。叉燒肥瘦適中，入口即化，成碗麵由頭到尾都保持到個濃厚感！芝麻手羽呢個雞翼真係整得幾出色，外面脆卜卜，裡面仲保持到肉汁。最正係面頭嗰層芝麻，烘得香噴噴，咬落去芝麻香同雞肉味一齊爆出嚟！蒜香雞軟骨雞軟骨炸得金黃香脆，咬落去"索索"聲，但又唔會太硬。蒜香味夠晒突出，每粒都沾滿蒜粒同調味，鹹香得嚟又唔會過濃，食到最尾都唔會覺得膩！幸屋 (灣仔)灣仔機利臣街5-9A號維昌大廈地舖…查看更多

今日去開灣仔做嘢，做完之後咁啱晚飯時間，見到附近有一間拉麵店就即管入去試吓。餐廳環境乾淨企理，拉麵沾麵選擇好多。今晚我地揀左 北海道蟹肉湯拉麵 配炸雞（ $166)，入面配料豐富，有蟹肉、叉燒、蟹籽、流心蛋、竹筍和木耳絲等，同埋 赤武士辛味拉麵 配吉列炸蠔($111)，其中吉列炸蠔正常發揮，拉麵不太辣但份量十足，啱晒今日好肚餓嘅我。📍幸屋 (灣仔)灣仔機利臣街5-9A號維昌大廈地舖@yukihouseco #灣仔餐廳 #灣仔 #拉麵 #日式 #炸物 #日式拉麵 #流心蛋 #hongkongfood #hongkongfoodie #hongkongfoodies #hongkongfoodblogger #hkfood #hkfoodie #hkfoodies #hkfoodblogger #hkfoodstagram #foodie #foodies …查看更多

如果鍾意食拉麵朋友仔就唔可以錯過🍜#幸屋#拉麵控🍜超級多料，分量又多🤭每碗都有2大塊日式叉燒❤️仲有一隻糖心蛋🥚而且拉麵咬口岩岩好，唔會太硬太軟🍜鍾意食芽菜朋友仔都唔可以錯過🤭佢地芽菜係自家製醃製，非常脆口又唔淋👍我地試佢地招牌赤武士辛味拉麵，少少辣，但飲落去湯底滿滿豚肉味，真係會忍唔住飲多2啖🤭🤭另外佢地櫻花蝦味噌拉麵都唔可以錯過❤️❤️滿滿櫻花蝦鋪係拉麵面😍每啖會食到脆口櫻花蝦及拉麵😍😍😍😍😍另推薦佢地嘅和風餃子，即煎即食，肉汁仍係餃子內，最鍾意佢地成塊薄脆都可以食到😍😍午餐雖然冇特別優惠，但佢地2點後下午茶就非常之抵食👍👍價錢低至$60，就有齊拉麵，小食及飲品😍😍…查看更多

Located conveniently near the Wan Chai MTR exit B, Yuki House Ramen offers a satisfying dining experience with a variety of flavorful dishes.The signature ramen features a rich miso-based broth complemented by two thick, tender slices of round pork chashu. The soup is generously topped with Sakura shrimp, black fungus, bamboo shoots, and onions, creating a complex and appetizing flavor profile.The beef bowl is a highlight, packed almost to overflowing with high-quality beef that appears to be marinated in a sweet Korean-style barbecue sauce. The dish is savory but not oily, and the accompanying rice is enhanced by a sweet sauce, making it a very comforting and substantial meal.Beyond the main courses, the menu offers appealing sides. The dumplings, served with a compelling mayonnaise and sweet vinegar combination, were particularly enjoyable. The breaded oysters are another flavorful option; the batter is crisp, and the freshness of the seafood is evident in every bite.Overall, Yuki House Ramen provides fair value with generous portions and quality ingredients. Their ramen includes a full, perfectly cooked "candy egg" (seasoned egg), and a notable commitment to not using MSG ensures a clean, authentic taste.…查看更多

好耐之前已經食過，而且好耐冇食過依間，咁啱經過就入嚟試吓！睇吓佢水準如何櫻花蝦味噌拉麵湯底濃味噌帶甜，溏心蛋流心、叉燒肥瘦適中廣島蠔沾麵佰嘅蠔係真係鮮甜，唔係cheap野，湯超濃而且係滾住上，小心辣手，沾麵Q彈，食完加湯飲，蠔控必試！和風餃子煎底金黃喀滋和風炸雞即叫即炸熱辣辣，皮超脆雞肉嫩，調味清新！幸屋唔花巧但夠誠意，湯底用心、配料新鮮，打工仔午餐/晚餐首選！夜晚靜靜地可以同friend嚟傾吓偈…查看更多

朋友鍾意食拉麵，知道灣仔呢間拉麵舖出咗期間限定嘅北海道蟹肉湯拉麵，決定一齊嚟試下北海道蟹肉湯拉麵 $166首先叫咗碗期間限定嘅北海道蟹肉湯拉麵，入面有蟹肉、蟹籽、叉燒、雞胸肉、溫泉蛋、洋蔥、木耳、竹筍，北海道蟹肉湯底味道鮮甜，明顯飲得出蟹肉鮮味，鮮味來源當然唔少得蟹肉同蟹籽，而且仲加咗叉燒、雞胸肉、溫泉蛋，多種材料好豐富！另外小食就叫咗份紫薯栗子餅，一共有2舊，外脆內軟， 紫薯內餡棉滑，加埋栗子就好香甜零系可樂黑蒜濃厚山藥豚骨拉麵 $116另一款麵食就叫咗黑蒜濃厚山藥豚骨拉麵，配料有肉碎、豚肉、叉燒、溫泉蛋、菜、木耳等，湯底加入咗黑蒜，整體顏色偏深色，但係因為加入咗山藥，所以口感偏順滑，亦比較清新，會襟食啲，拉麵入面既豚肉大塊又入味，肉質軟淋易咬，油脂香重，配上爽口嘅拉麵正好小食就叫咗炸餃子，一共有3隻，餃子外皮炸得香脆，內餡係白菜豬肉，味道香甜，仲可以點側邊嘅醋汁解膩零系可樂…查看更多