囍八方 (差館上街)

营业中

休息中

前日去開上環有野做，之後經過呢間餃子店，就突然想食下餃子，就同左朋友入黎食啦。自家製XO醬蝦球撈麵 $68雖然有好多人都會當餃子係主食，但我始終鍾意有個麵落下肚，就揀左呢個撈麵啦。XO醬係另上嘅，可以自己揀落幾多。我就一次過落曬所有XO醬落去撈啦，勁香。蝦球有五六隻，每隻都大大隻，好彈牙，好食。煎粟米香菇鮮豬肉餃（六隻）$47煎餃外脆內軟，粟米香菇豬肉呢個配搭真係冇得輸，又香又鮮甜，口感又豐富。骨膠原鮮魚湯鮮蝦菠菜餃（八隻）$52個魚湯好濃好好飲，我幾乎飲曬。鮮蝦菠菜餃啲鮮蝦都幾多，菠菜又足料，仲好似有啲馬蹄喺入面添。囍八方冷泡茶 $26冷泡茶好香濃，解膩一流。樽仔奶茶 $26呢個係朋友飲嘅，朋友話甜甜地幾好飲。