鍋霸吃到飽台式養生火鍋 (創興廣場)

营业中

休息中

前兩日放工去左旺角創興廣場既「鍋霸」食火鍋放題，無論餐廳既食材、食物、環境、飲品、服務等等，都十分有質素，任食火鍋有三種價錢，有不同款式既肉類可供選擇。✨一般任食火鍋有時限，食得比較趕，但鍋霸不限時，約朋友食飯一流，可以慢慢傾，慢慢食。👍🏻餐廳坐位夠寬闊，卡位及每枱之間都有充足距離，坐得舒服。而且環境衛生乾淨，點完食物上枱又夠快，店員服務又貼心，絕對係少有既超高質素火鍋放題。食材方面，全部都新鮮味美，最驚喜係鮮蝦，超級大隻而且肉質彈牙，海鮮精選有聖子及花甲，而且蔬菜新鮮翠綠，最重要係洗得乾淨🏅，所以「鍋霸」絕對係我食過數一數二既火鍋放題店。火鍋湯底亦有多款選擇，麻辣、沙爹、蕃茄等等，我哋點左沙爹牛肉及花膠雞湯，湯底濃郁，材料豐富，夠曬味道。而飲品有一般飲品及多款自家樽裝茶飲，我最鍾意黑糖冬瓜檸檬茶，甜度適中，最後仲每人一杯哈根達斯雪糕🍦，好味又抵食，絕對食過番尋味。