影片
更多
2018-04-05
227 浏览
喺同一座大廈食過麻辣火鍋，露台位個夜景真係靚到不得了，今日再上幾層樓，嚟到29樓，同一個view，但就更高更開揚。室內空間感幾足，坐位寛敞。露台位超正，望住維港夜景，談心吹水一流。室內客人打邊爐，室外露台亦有客人「打邊爐」，整番飛煙提提神後又可以入去再戰美食！任飲任食火鍋，加埋一要四百幾蚊一位，但難得係冇限時，可以慢慢食，同埋連酒精飲品都包埋︰紅白酒、cocktail、啤酒，飲得嘅話，成枝紅白酒上枱都得。前菜有手撕雞同木耳，麻辣味麻味好香，辣味唔算勁，可以無限追加。湯底13款，叫左個冬瓜卜卜蜆海鮮鍋，冬瓜大大個，清清地，再加埋蜆嘅鮮甜味，但蜆肉細粒，冇乜肉食。未食先飲啖湯，唔錯。肉類2人有一碟，可以揀牛或豬，手切安格斯Prime Grade牛頸脊肥牛片，牛味濃郁但偏肥。101特選手工火鍋拼盤，一盤有八款，唔同口味，手打丸好大粒又彈牙，入面仲有流心芝士，正！台灣夜市火鍋拼盤，一盤有七款，本身已經煮熟，但最好係再淥吓先，會更好味。平時我唔會食豬耳，今日試吓，口感又唔錯喎，外面有啲膠質口感，中間又有啲軟骨有咬口。炸響鈴同炸魚皮用嚟打邊爐真係好夾，第一次食到咁巨型嘅響鈴，香脆。仲有一張無限追加
露台位超正，望住維港夜景，談心吹水一流。室內客人打邊爐，室外露台亦有客人「打邊爐」，整番飛煙提提神後又可以入去再戰美食！
任飲任食火鍋，加埋一要四百幾蚊一位，但難得係冇限時，可以慢慢食，同埋連酒精飲品都包埋︰紅白酒、cocktail、啤酒，飲得嘅話，成枝紅白酒上枱都得。
前菜有手撕雞同木耳，麻辣味麻味好香，辣味唔算勁，可以無限追加。
湯底13款，叫左個冬瓜卜卜蜆海鮮鍋，冬瓜大大個，清清地，再加埋蜆嘅鮮甜味，但蜆肉細粒，冇乜肉食。未食先飲啖湯，唔錯。
肉類2人有一碟，可以揀牛或豬，手切安格斯Prime Grade牛頸脊肥牛片，牛味濃郁但偏肥。
101特選手工火鍋拼盤，一盤有八款，唔同口味，手打丸好大粒又彈牙，入面仲有流心芝士，正！
台灣夜市火鍋拼盤，一盤有七款，本身已經煮熟，但最好係再淥吓先，會更好味。平時我唔會食豬耳，今日試吓，口感又唔錯喎，外面有啲膠質口感，中間又有啲軟骨有咬口。
炸響鈴同炸魚皮用嚟打邊爐真係好夾，第一次食到咁巨型嘅響鈴，香脆。
仲有一張無限追加火鍋配料，但食完上面個啲都已經飽左。其實最好係一早喺食肉類前先點啲蔬菜食左先，咁會健康啲。食到最後個湯有啲油同泡，呢個時候先落菜味道上係會好食啲，但就會冇咁健康了。
我最like係紫薯水晶包，唔太甜又有香甜紫薯味，必食推介！
最後一人一杯木糠珍珠奶茶布丁，係食得入口嘅台式奶茶，好特別~~
另外要讚吓服務，每個店員都好有禮貌，服務真係貼心到位。
张贴
