影片
更多
2023-02-17
239 浏览
🌟餐廳：南越南咖啡廳📍地址：旺角彌敦道726號1樓💰價位：～$50 - $100⏰營業時間：星期一至日 12:00 - 22:00📱電話：2311 9333最近好鍾意食越南菜，食物款式夠多之餘，又夠哂惹味~朋友介紹我試下呢間位於旺角既「南越南咖啡廳」，餐廳主打南越 Fusion 菜，搜羅具南越特色既街頭美食及飲料，並將菜式注入嶄新既概念，融入各地具代表性既食材，令食客可以體驗真正「南越南」風味~———————————————————🔹脆米紙薄餅呢款脆米紙薄餅好有創意~用炸過既米紙作底，上層鋪滿青瓜絲、蘿蔔絲、臘腸粒及醬汁，用另一種形式品嚐越南米紙卷~呢種食法夠哂香脆，做前菜一流！———————————————————🔹惹火上身鹹檸豬頸肉有得睇又有表演睇~上菜時，店員會點著放係豬頸肉上邊既火紙，營造火焰效果，打卡影相一流~豬頸肉肥瘦適中，口感爽彈，搭配埋新鮮青檸汁，味道更加清新！———————————————————🔹烤蔞葉雞(半隻)配青蘋果條呢款蔞葉雞令人驚喜，蔞葉其實係胡椒類植物既一種，有獨特既香味，用黎烤雞肉真係好香好夾~雞肉肉質好Juicy，上層加左炸蒜及炸辣椒葉，食落味道濃郁~
📍地址：旺角彌敦道726號1樓
💰價位：～$50 - $100
⏰營業時間：星期一至日 12:00 - 22:00
📱電話：2311 9333
最近好鍾意食越南菜，食物款式夠多之餘，又夠哂惹味~朋友介紹我試下呢間位於旺角既「南越南咖啡廳」，餐廳主打南越 Fusion 菜，搜羅具南越特色既街頭美食及飲料，並將菜式注入嶄新既概念，融入各地具代表性既食材，令食客可以體驗真正「南越南」風味~
———————————————————🔹脆米紙薄餅
呢款脆米紙薄餅好有創意~用炸過既米紙作底，上層鋪滿青瓜絲、蘿蔔絲、臘腸粒及醬汁，用另一種形式品嚐越南米紙卷~呢種食法夠哂香脆，做前菜一流！
———————————————————🔹惹火上身鹹檸豬頸肉
有得睇又有表演睇~上菜時，店員會點著放係豬頸肉上邊既火紙，營造火焰效果，打卡影相一流~豬頸肉肥瘦適中，口感爽彈，搭配埋新鮮青檸汁，味道更加清新！
———————————————————🔹烤蔞葉雞(半隻)配青蘋果條
呢款蔞葉雞令人驚喜，蔞葉其實係胡椒類植物既一種，有獨特既香味，用黎烤雞肉真係好香好夾~雞肉肉質好Juicy，上層加左炸蒜及炸辣椒葉，食落味道濃郁~配菜就用左微微辣既醬汁混合青蘋果條，食落爽脆之餘，又帶有微微酸辣，清新解膩~特別推介個醬汁，餐廳以椰子蓉、花生醬及辣醬混合出一個超惹味既醬汁，好正喔！！
———————————————————🔹NVN咖啡骨
呢款咖啡骨賣相精緻，好有特色~~上層有厚厚既綿花糖，搭配埋一壺香噴噴既越南咖啡，將咖啡倒入，棉花糖瞬間溶化，成個presentation 好有特色～排骨吸收晒棉花糖嘅甜味及咖啡嘅香醇味道，食落都幾入味而且肉質夠哂淋身，好特別呢！！
———————————————————🔹招牌金邊粉(嫲嫲南越湯)
食越南菜叫返碗金邊粉係指定動作吧haha~先講個湯底，係越南正宗家鄉味道，入口都幾香甜，而且牛骨味濃，金邊粉入口順滑，索哂湯食得好滋味！配菜就有牛丸、牛肉及牛筋，材料豐富，我哋就最鍾意佢哋嘅牛筋，炆得好夠火喉，膠質感豐富，好正~
———————————————————🔹南越南咖啡 及 荔枝雲朵咖啡
呢度嘅飲品都幾有特色～我哋就叫咗杯熱嘅南越南咖啡同埋凍嘅荔枝雲朵咖啡～南越南咖啡上層加咗蛋漿，入口蛋味濃郁口感豐富，都幾特別～荔枝雲朵咖啡，入口就比較清新D，帶有淡淡荔枝嘅香味，都幾解渴架～
———————————————————😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
先講講餐廳既環境，裝修以綠色為主，環境舒適寧靜，仲擺放左好多具越南特色嘅擺設～至於食物方面，無論擺盤及菜色嘅presentation都好有特色，抵讚！推介鍾意食具特色越南菜嘅朋友仔黎試吓～
张贴
