泰泰

营业中

休息中

趁住於附近酒店staycation，朋友提議嗌呢間經常滿座既泰泰外賣，就唔洗同人迫都試到佢既美食。黃金黑金雙併泰菜常見既蝦膠包皮蛋，泰泰做左個變奏版，用上左一半墨魚膠一半蝦膠，食落都一樣有陣陣墨魚/蝦既香氣，熱力令皮蛋黃半溶，不錯。
酸辣鳳爪沙律
鳳爪既酸度拿捏得剛好，連伴菜既青瓜絲蘿蔔絲都醃得不錯，咬多幾啖，辣味就隨之而來，好有層次。

青咖哩牛肉石鍋+烤酥餅
青咖喱通常較黃咖喱辛辣，但甜味同辣味既對比更明顯，食到流汗都要揀佢！牛肉既量比得甚為大方，差啲食唔晒。餘下既青咖喱汁當然要好好利用烤酥餅包辦佢。
原隻椰青海鮮焗飯以為外賣質素會打左折扣，又完全唔會，飯量高到要用個外賣碗蓋住，啖啖都食到椰汁香，又香甜又軟糯。食完飯仲可以食埋椰青肉，好滿足呢！店家仲送左數塊蝶豆花/柚子大菜糕甜品，清新可口且美好既結尾。