泰泰

营业中

休息中

生意宣傳是重要的!泰國人在店內就說是泰國菜😂，價格與食物質素不接受，生蝦極不新鮮，海鲜冬蔭公湯全是急凍海鲜與及得一種味道"甜"，粉絲大蝦煲，蝦當然又是急凍蝦，泰式蝦多士賣相還可以一咬入口是硬的!大概是急凍現成的貨，其餘的也不可接受，負責人為何不站在客人角度想一下，錢付出來最起碼食物要能放入口才對得起良心吧!，泰國菜這些味道？四人食了一仟多元，香港食肆真不堪想像了!

難得再去泰泰食lunch。以前同同事lunch time成日幫襯，一星期最少兩次，貪佢性價比高，味道又唔錯。但近排就少去咗，主要係因為加咗價，以前點午餐已包冷/熱飲，依家同一個餐印象中$59變$58，但飲品要另外加錢，熱飲加$6，凍飲要加$9，升幅真係高過通脹，有啲卻步。今次同以前一樣都點左清湯金邊粉配豬頸肉($58)。湯底清甜，金邊粉夠滑，蔬菜爽口，食落清新。豬頸肉一向都係我心水，以前燒到外邊脆脆地，入面又juicy，不過今次見到肉帶少少粉紅，有部份「趙」唔爛，感覺火候未夠，但味道仲算係唔錯嘅，有香蒜加持，算係交足功課。飲品方面點咗杯凍咖啡，香濃順滑，甜度啱啱好，不過午餐想要嘢飲要加錢，今次我要凍飲就要加$9。總括嚟講，泰泰食物水準仍然保持住，如果價錢唔咁進取，應該會再多啲人幫襯！

週末晚上和家人一起到這間菜館用膳，到達時晚上8:00，餐廳尚有空位，入座順利，侍應服務態度良好。點了8個小菜，普遍份量偏小，而且設定在旺區價錢，不算便宜。菜式一般水準，軟腳蟹，生蝦刺身水準較好，但其中明爐烏頭魚，魚肉偏腥，肉質不新鮮，希望下次有待改善。

讚-環境好闊落 以泰國餐廳黎講 佈置幾舒服 個漁缸好大個-食物水準唔錯 鹹蛋黃蝦丸幾彈牙 鹹蛋黃唔過鹹 香葉肉碎炒飯有辣香 夠入味 兩樣菜式都好味彈-價錢係幾貴下 隨便一個頭盤都七八十

一班朋友聚會嚟到呢間餐廳 預早咗book位 食物方面質素都正正常常中規中矩 叫咗海鮮炒飯 冬陰公 最鍾意係嗰個芒果糯米飯 賣相一流 第一次食芒果多過糯米飯嘅甜品 味道一般 唔會再幫襯

之前食過一次，見到啲負評，都死頂入去食咗餐，覺覺得一般，無乜特色。但今次，腦細將原本訂咗位嘅檯比咗新嚟嘅客，完咗，無下次！Btw，坐近廚房嘅位聞到陣臭味……….

一啲都唔好吃，大失所望點解禁多人吹捧？首先，串燒係白烚再攞去燒。一食入邊係冇味，啲肉質勁硬同有白烚味。係靠個沙嗲醬去調味。大失所望！（乜原來泰國餐廳仲會白烚串燒？）第二，生菜包個底勁濕，係濕漉漉！所以啲肉都會變到好濕嘅感覺，好似吃糊仔。。然後啲菜唔新鮮最後，個炒面個鍋冇洗乾淨，所以食落好多黑色一點點（鍋底）同賣有個燒燶嘅味，好奇怪。以面頭啲蝦完全都係冇味，都係白烚嘅味道！大失所望。太多KOL吹捧，根本冇實力。最後，員工態度惡劣，冇禮貌！

原本想吃西餐，腦細路過說想試泰菜，於是一試。原來這間店十分爆滿，沒有預訂難有位，幸好還有一張枱可以攝到，但要準時交枱，店面較擠擁及嘈。#馬拉盞炒椰菜。這個味道非常好，硬度適中爽口。#青咖哩豬肉。汁有點稀，肉分量夠，味道都可以。#泰式海南雞半隻。分量都頗大，肉都淋，但雞味一般，這個有點普通。

咖喱雞配印度煎餅本身係跟飯，轉印度煎餅，青咖喱味道香濃，甜而不辣，烤餅沾滿醬汁非常好食！咖喱入面除咗雞肉幾款配料，薯仔、茄子、車厘茄等，非常豐富 美味的晚餐 棒棒呢

今次踩入泰泰，心情已經好興奮。首先迎接我嘅係泰式蛋包金邊粉，呢塊蛋薄薄香脆，撲鼻陣陣香氣撩撥著我嘅食慾，金邊粉彈牙得嚟唔會黏舌。之後嘗嘅馬拉盞炒芥蘭，跟住泰式悶煮嘅食材黎講，咬落嘅口感夠晒彈，馬拉盞嘅醬汁香辣，味道掛住喉嚨，正！青咖哩石銅香滑細嫩，豉油同咖哩嘅香甜味道簡直係天造地設嘅組合，煞食啊！而串燒爹嘅肉質，咁誘人，之平衡啱啱好咁燒烤嘅味，真係食嘅停唔到口👅！環境可能會迫少少，不過食得心滿意足嘅話，咁啲就唔算嘢啦！泰泰係我呢次食遊嘅驚喜之一，意猶未盡，下次驚未必得咁好彩，搭檔喇！🍜🥢🌶️

泰泰價錢💲: $78/ $98/ $120/ $93/ $31/ $59好味程度😋: 4/5服務🍴: 3.7/5環境🗾: 3.7/5性價比🥢: 3.7/5回頭率😚: 4/5-呢排食左好幾間覺得唔錯的泰國菜，今次先介紹呢間係佐敦的！佢哋好受歡迎好滿座，記得早幾日book枱，如果唔係walkin唔知有冇位🫠 餐牌上款式好多，有d特別的係要先預定菜式，記得可以留意下。生日的話叫芒果糯米飯仲可以有生日牌/生日碟，聽朋友講有時仲會有泰文生日歌😂都幾啱慶生！-✅✅黃金黑金入球(1球)。有兩隻味，分別係墨魚膠皮蛋同蝦膠鹹蛋。黃金皮蛋味道冇咁濃 蛋黃有小小流心，墨魚外層都打到幾彈牙😉 另一個的蝦膠就可以更爽彈d，但入面包住鹹蛋今到成件事更濃味。-✅✅泰式串燒沙嗲。好大串，豬牛雞每樣各2串，燒得唔過火，仲幾嫩的又厚肉。d肉大大粒，唯一比較乾身的係雞肉。幾中意佢個沙嗲汁，偏甜同有小小花生味😋-✅泰式蛋包金邊粉。蛋包做得好靚！入面的金邊粉有鑊氣，炒得好乾身。如果啲粉可以再鬆散啲就好。味道上正常都係偏甜，有小小蝦、雞肉、豆腐亁。-🆗黃咖哩豬肉。呢個其實好多食材係入面，豬肉片唔鞋，仲有茄子、豆、薯仔🥔等，相當豐

訂枱6:30pm唔駛等入座(呢間仲要冇限時坐到10pm都得)，嘢食大份又好味，性價比超高，好滿足的一餐，最驚喜係老闆知道我哋結婚周年仲送埋甜品俾我哋食，超感恩❤️❤️

Thai Thai @ Jordan @hkthaithai 好友回港visit指明想食🇹🇭泰國菜🇹🇭，就來試下大名鼎鼎的💛泰泰💛。首先介紹下呢幅「我真係泰L鍾意香港」，是為蔡瀾先生的墨寶，值得大家望多兩眼。Table for 4️⃣🦐泰式生蝦刺身 $138🥬飛天通菜 $76🍲冬陰功湯$109🍜泰式濕炒河 $98🥭芒果糯米飯(大) $59👨‍🍳食物質素無得彈：冬陰功湯一致好評！生蝦彈牙、濕炒河都幾得意。🤵🏻餐廳服務不錯，瀰漫着快歡樂的氣氛。⭐️下次會黎試下素食menu.

兩個禮拜前想來位於佐敦的泰泰食晚餐，致電查詢當晚會不會有位時卻被告知一般需要早兩個禮拜預約，除非當日7點前離座，真誇張！有見及此，當日就預約了兩個星期後的週末晚上，一行四人來食泰式晚餐我們被安排就座於卡位，座位寬敞，每位客人前面亦放上公筷，有考慮過令客人感覺良好。泰式蛋包金邊粉($120)的濕度和味道都平衡得不錯，不過個人喜歡再添加少許魚露和白醋，風味更甚；裡面有大概4件蝦仁，肉質都是爽脆的。這份金邊粉的份量都幾大，味道正常，定價比一般泰菜餐廳的貴，或許除了金邊粉之外也可以試一下她們的其他炒粉麵類，可能會有驚喜。泰泰海南雞(半隻)($148)同樣是表現正常，雞肉不算很滑，沾著泰式醬汁吃都幾開胃的，份量偏少裡面也是含有骨的，不點不是損失。泰泰炒雜菜($76)加入了不少的香蒜，剛剛炒好香味撲鼻，裡面的菇類、椰菜、西蘭花、紅蘿蔔等都掛上了蒜味醬汁，大家都幾喜歡。蝦醬炒飯($88)樣子平平無奇，味道卻是十分豐富，有蝦醬、臘腸、甜味、泰式香料的味道，裡面又有一些配料例如豆角、臘腸粒等的配料增強味道和口感，讓人一口接一口的吃不停，食到最尾炒飯仍然是熱的，沒有很容易就冷卻掉。串燒沙爹6串($98)共

一行8人約左係佐敦食晚飯🥣當中有朋友係素食人士😊所以就揀左依間有揀食餐牌嘅「泰泰」👍🏻有勁多款選擇。環境十分舒適🌿餐廳大部分員工都係泰國人，十分有禮貌，而且餐廳舖氣氛好好，見到隔離枱有人生日，幾個店員會遞上生日芒米飯蛋糕🎂仲會唱地道泰文生日歌🤭生蝦刺身好新鮮又夠厚肉，而且配有炸蝦頭， 超級惹味牛油烤雞翼皮脆舖嫩，小朋友勁中意食素青木瓜沙律正常發揮，味道正宗泰式串燒沙嗲各款肉燒得剛剛好，唔會乾哂，沙嗲醬好香，唔會太辣黃咖喱素雞煲出色之作🌟素雞用猴頭菇作材料，索哂黃咖喱啲汁勁正。烤薄餅送上枱勁香噴噴，未影相大家都已經忍唔住夾咗兩塊😂用嚟點黃咖喱雞煲，真係超級好味🤭小朋友齋食都覺得好香口，encore左兩份燒烏頭有少少失望🫣因為食到中間發現原來魚係未熟，仲流有血水🫨素菠蘿炒飯菠蘿肉夠甜唔酸🍍飯底炒得好乾身，份量正常