Mue Mue

营业中

休息中

無諗過美麗華商場新佈置會有間咁靚既泰式fusion 菜。 行到黎1期3樓就見到呢間咁靚既Mue Mue, 好似係外國酒店入面既餐廳咁。 樓底高，仲有偏白既裝修，入面仲有3個包房，開party聚會一流。 坐底朋友好識叫紅磚豆腐係紅菜頭汁炸成，紅色特別靚之餘都好好味。 摩登海鮮冬陰功係特別加左蕃茄汁去煮，少啲辣多啲酸甜味，啱返香港人口味，而且海鮮料好足幾乎係食海鮮都飽。 炭燒沙嗲我地就簡左雞肉，好嫩滑，果然串燒係雞肉最好味。金沙麥皮蝦，金沙蝦本身就冇得輸，勁好味，有埋麥皮更香脆，仲要好大隻蝦，起碼4，5啖先食晒一嚿。 菠蘿炒飯同芒果糯米飯係食泰國餐必食，果然冇令人失望，好香又好多料，雖然都好飽肚但忍唔住都要食多2啖。飲品就叫左芒果椰子沙冰同Songkran, 係一款撥水節特飲。 好好味，椰香芒果一流，而Songkran都有好香荔枝，熱情果味，超解暑。 真係透心涼既一餐。