長阪燒 (已結業)

地方唔起眼樓下撘咗棚都要揾一段時間先揾到，朋友生日我攞咗蛋糕去，一入門口個Staff話＄25一位切餅費，我話無問題，跟住話我攞個蛋糕嘅紙袋斜咗，佢即刻拆嚟睇下個蛋糕有無事先，去咁多地方食嘢真係第一次入門口要比人檢查蛋糕，坐低未齊人個staff不停話介紹刺身同魚比我地，我地話睇下先，到齊人前前後後介紹咗三次勁煩，一枱六人三個小朋友得兩個大人食生嘢，落單又落漏，叉燒拉麵温底勁“杰“味好怪，串燒好多都勁乾，未食過雞皮係勁乾仲要無味，壽司真心好一般，服務得個女待應好少少，從來無人執枱，每次都要自己擺枱邊叫佢執，到叫執枱上蛋糕，第一個執少少行咗去，叫第二個執又執少少行咗去，叫第三個先執曬，蛋糕叫每次執枱都有叫上，完全無理過，最後係叫第四次先上，六個人比5隻碟7隻叉😅，雖然影相唔係老馮，但平時去咁多度食，只要有蛋糕，通常都會問使唔使幫手影合照，但呢度係無嘅，初初見Openrice有6百幾個讚，裝修好似幾好，但朋友旺角方便所以就試下，lift口勁大陣煙味好臭，成餐飯感覺勁差，而且食物唔好食，真係無下次