羲和雅苑

唔推介食烤鴨+點心放題

最先上烤鴨質量不錯，鴨皮和肉比例均勻，肥瘦亦適中，淨食會有滿滿鴨油香，而加餅皮、點青瓜、韭黃可以減少油膩感。

點心

炸雲吞（兩件），唔係得塊皮嘅炸雲吞，有啖啖蝦肉，而且雲吞皮酥脆。推。

鳳爪（一碟），碟面鳳瓜的味道正常，但碟底的兩三隻帶點變壞的酸味同冰涼的。不推。

牛柏葉（一碟），質地有d梅，味道一般。不推。

蝦餃（4粒），正常蝦餃。但其中一粒蝦餃有濃濃焦燶味。不推。

（中途食完最先上的鴨，所以再點左一份鴨同兩款點心）

芫荽馬蹄燒賣（4粒），芫荽味濃，同燒賣的味道配襯。可以一試。

一口咸水角（2粒），明顯擺左一段時間，咬開成口油，皮厚，涵有點凍。不推。

食完所有點心，第二輪烤鴨都未到，所以就問一問員工，果陣都等左十五分鐘以上，再等多一陣見新入坐都上烤鴨而我地都未上，於是再催單，再等多十分鐘左右，烤鴨終於到。

依輪烤鴨份量比第一輪少，皮多過肉而且偏肥，鴨羶味勁強，差勁。

至於餐廳的侍應，雖然唔講得上態度差但服務嘅質素好一般。