小魚兒 (金馬大廈)

营业中

休息中

最近口淡淡，想食下啲辣野。所以今晚去左尖沙咀一間烤魚餐廳食烤魚🐟🐟首先揀左食咩魚先！餐廳有4種魚揀：海鱸魚，江團魚，凌波魚，鴨嘴魚最後我揀左比較多肉食既江團魚，呢種魚的肉質比較肥美，而且含有豐富的膠原蛋白。魚的油脂分布較重，魚肉的口感嫩滑，唔多骨。之後揀口味，揀左：鮮九葉花椒BB豆花。味道非常惹味，鮮九葉花椒賦予獨特的香辣風味，豆花口感細膩加埋魚一齊好夾。而辣度揀左中辣中麻，好辣…食到流晒鼻水😆小食叫左，蒜蓉燒茄子：茄子經過燒烤後，表皮微焦但內部依然保持著柔軟的質感。茄子鋪滿蒜蓉，好香。至於飲品，叫左荔枝乳酸。份量正常。味道酸酸甜甜幾開胃。