紅葉茶屋 (D2 Place TWO)

营业中

休息中

最近天氣真係好凍，想喺附近搵碗熱麵食啱啱男朋友喺附近，就約咗佢一齊去睇住唔錯嘅 「紅葉茶屋」食烏東麵。我地兩個都叫咗烏東麵，我食嘅係芝士烏東麵肉質鮮甜，仲有淡淡嘅芝士香氣，真係令人難以抗拒，而且冬天食碗熱辣辣又滑溜嘅烏東麵，真係好暖胃。男友就叫咗明太子忌廉口味嘅麵，第一啖就食到濃郁嘅奶香味，但明太子比較清淡，唔會過鹹，所以整體味道啱啱好。睇住男朋友食到津津有味，我都忍唔住多試幾啖。日式料理最出名嘅就係刺身，當然要叫一盤試下。刺身處理得非常乾淨，細膩滑溜，原汁原味，鮮味十足，食起嚟真係爽！仲有令我眼前一亮嘅清酒蜆肉都好香。每個蜆肉都好肥美厚實，仲吸收咗酒香，令成個蜆肉都充滿鮮味，一啖落去，簡直係人間美味。呢間意外發現嘅日式餐廳真係唔錯，可以多啲嚟捧場。