大堂咖啡廳

营业中

休息中

自助區有冰鎮海鮮（長腳蟹腳、青口、蝦）、前菜沙律、壽司、熱食同甜品，款式唔算好多但夠食。海鮮新鮮度十足，蟹腳鮮味唔會太咸；熱食嘅泰式蝦餅幾彈牙，牛肉燒賣馬拉糕有驚喜！蟹肉牛油果沙律🥗又靚又鮮甜；兩款醃漬三文魚，亦好有特色！ 中西冷熱甜品都有，如tiramisu、腐竹雞蛋糖水、蘋果金寶、即做糖不甩等～仲有任食Movenpick雪糕！咖啡及茶都是任飲！追加主菜方面，由$100起，亞洲及西式，推介韓式醬煮牛肋骨，肉質嫩滑醬汁惹味，慢烤春雞亦好特別！ 如果唔太餓，其實淨食自助區都夠飽。 原價$318，用指定信用卡有85折，折完之後好抵食，而且菜式質素都幾好！