發達叉燒

营业中

休息中

係灣仔返工嘅我一聽見蘭杜街新開張發達叉燒就即刻拉埋朋友去食，冇鋒膳咁貴嘅價錢，就可以食到佢哋嘅特色燒味！所以每次經過都排晒隊【叉燒雙蛋飯】$80用西班牙粟子燒嘅叉燒厚切半肥瘦帶燶邊～食落肉質鬆軟，個人覺得叫肥啲仲好食，戳穿半熟太陽雙煎蛋嘅蛋黃，蛋汁係好似熔岩咁流曬出嚟，撈白飯食一流【茅台醬油雞拼燒鵝飯】$80呢度全部嘅油雞已經起曬骨，而且仲加入咗經常被形容為「醇厚香」嘅茅台酒進行醃製！酒香味貫穿雞皮同雞肉，燒鵝皮都算ok脆，雞肉鵝肉同樣做到嫩滑軟熟，撈埋蔥油真係食到lam lam脷～所有燒味飯都附送老火例湯，足料夠喉暖下腸胃～