招牌脆皮乳鴿
果然係招牌，乳鴿走完油之後翼尖個啲骨位都好透，真正嘅皮脆肉嫩。戴住餐廳準備嘅手套食，零捨有滋味。
老街韭菜雞紅
豬紅平時就食得多，雞紅比豬紅更加嫩滑，一擺入口就好易sir入喉嚨。
樓上小炒皇
小炒皇真係大排檔名物，魷魚乾甘香有咬口，腰果卜卜脆，加埋啲蒜芯，食到lam lam脷。
蟹油炒麵
炒麵夠乾身，蟹油炒麵真係好香口，一個人食曬
椒鹽粟米
椒鹽襯咩都好夾，今次配粟米，咸咸甜甜都幾好味，啲椒鹽碎仲可以拎黎撈麵。
食飯期間聽到餐廳原來係由喜記炒蟹前總廚主理，主打避風塘菜，唔怪得啲餸咁啱我口味。
